ಮೋಟ್ನಳ್ಳಿ ಗ್ರಾಮದಲ್ಲಿ ಅಡಿಗಲ್ಲು ಸಮಾರಂಭ…
ಯಾದಗಿರಿಃ ಮತಕ್ಷೇತ್ರದ ಸಮಗ್ರ ಅಭಿವೃದ್ಧಿಗೆ ಸದಾ ಬದ್ದನಾಗಿದ್ದೇನೆ ಎಂದು ಗುರುಮಠಕಲ್ ಶಾಸಕ ನಾಗನಗೌಡ ಕಂದಕೂರ ಹೇಳಿದರು.
ಅವರು ಇಂದು ಗುರುಮಠಕಲ್ ಮತಕ್ಷೇತ್ರದ ಮೋಟ್ನಳ್ಳಿ ಗ್ರಾಮದಲ್ಲಿ ವಿಶೇಷ ಅಭಿವೃದ್ಧಿ ಯೋಜನೆಯಡಿಯಲ್ಲಿ 3 ಕೋಟಿ 14 ಲಕ್ಷ ರೂ ವೆಚ್ಚದ ಯಾದಗಿರಿ ತಾಲೂಕಿನ ಅರಕೇರಾ ದಿಂದ ಮೋಟ್ನಳ್ಳಿ ರಸ್ತೆ ಸುಧಾರಣೆ ಕಾಮಗಾರಿಯ ಅಡಿಗಲ್ಲು ಸಮಾರಂಭವನ್ನು ಉದ್ಘಾಟನೆ ಮಾಡಿ ಮಾತನಾಡುತ್ತಾ, ಈ ಹಿಂದೆ ನೆಚ್ಚಿನ ನಾಯಕರಾದ ಹೆಚ್.ಡಿ. ಕುಮಾರಸ್ವಾಮಿಯವರು ಮುಖ್ಯಮಂತ್ರಿಯಾಗಿದ್ದಾಗ ನಮ್ಮ ಮತಕ್ಷೇತ್ರಕ್ಕೆ ಬಿಡುಗಡೆಯಾದ ಕಾಮಗಾರಿಗಳನ್ನು ಹಿಂಪಡೆದಿದ್ದು ಸಿಎಂ. ಯಡಿಯೂರಪ್ಪನವರ ನೀಚ ರಾಜಕಾರಣವು ಕಾರಣವಾಗಿದೆ.
ಇದರಿಂದ ಮತಕ್ಷೇತ್ರದ ಹೆಚ್ಚಿನ ಅಭಿವೃದ್ಧಿಗೆ ಹಿನ್ನೆಡೆಯಾದುದ್ದು ವಿಷಾಧನೀಯವಾಗಿದೆ. ಇನ್ನೂ ಬರುವ ದಿನಗಳಲ್ಲಿ ಈ ನಿಟ್ಟಿನಲ್ಲಿ ಹೋರಾಟ ಮಾಡುವ ಮೂಲಕ ಹಿಂಪಡೆದ ಕಾಮಗಾರಿಗಳನ್ನು ಆರಂಭಿಸಿ ಅಭಿವೃದ್ಧಿಯನ್ನು ಮಾಡುತ್ತೇನೆ ಮತ್ತು ಮತ್ತಷ್ಟು ಹೊಸ ಕಾಮಗಾರಿಗಳನ್ನು ತರುವುದಾಗಿ ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಜಿ.ಪಂ. ಸದಸ್ಯ ಶಿವಲಿಂಗಪ್ಪ ಪುಟಗಿ, ಜಿ. ತಮ್ಮಣ್ಣ, ಭೋಜಣಗೌಡ ಯಡ್ಡಳ್ಳಿ, ರಾಮಣ್ಣ ಬಳಿಚಕ್ರ, ಬಸುಗೌಡ ಬಿಳ್ಹಾರ್, ತಾಪಂ ಸದಸ್ಯರಾದ ತಿಪ್ಪಣ್ಣ ಯಾದವ್, ಮಲ್ಲಿಕಾರ್ಜುನ ಅರುಣಿ, ಸಣ್ಣೆಪ್ಪ ಕೋಟಗೇರಾ, ಶರಣಪ್ಪಗಾಡಿ ಮೋಟ್ನಳ್ಳಿ, ವೀರಯ್ಯಸ್ವಾಮಿ ಮೋಟ್ನಳ್ಳಿ, ಭೀಮಪ್ಪ, ವೆಂಕಟರಮಣ ನಾಟೇಕರ ಮತ್ತಿತರರು ಇದ್ದರು.
