ಡ್ರೈ ಜಾಮೂನ್ ಮನೆಯಲ್ಲೇ ಮಾಡಿ..! ಇಲ್ಲಿದೆ ರೆಸಿಪಿ

ಡ್ರೈ ಜಾಮೂನ್ ಮಾಡಲು ಬೇಕಾಗುವ ಪದಾರ್ಥಗಳು
ಜಾಮೂನ್ ಪೌಡರ್- 200 ಗ್ರಾಮ್
ಸಕ್ಕರೆ
ಎಣ್ಣೆ
ಏಲಕ್ಕಿ ಪುಡಿ
ನಿಂಬೆ ಹುಳಿ
ಕೊಬ್ಬರಿ ಪುಡಿ

ಡ್ರೈ ಜಾಮೂನ್ ಮಾಡುವುದು ಹೇಗೆ?

ಮೊದಲಿಗೆ ಗುಲಾಬ್ ಜಾಮೂನ್ ಮಿಕ್ಸ್ ಪೌಡರ್ ಅನ್ನು ಒಂದು ಪಾತ್ರೆಗೆ ಹಾಕಿಕೊಳ್ಳಿ. ಬಳಿಕ ಇದಕ್ಕೆ ಸ್ವಲ್ಪ ಸ್ವಲ್ಪವೆ ಹಾಲು ಹಾಕಿಕೊಂಡು ಕಲಸಿಕೊಳ್ಳಬೇಕಾಗುತ್ತದೆ. ಹಿಟ್ಟು ಮೃದುವಾಗಿ ಬರುವಂತೆ ಕಲಸಿಕೊಳ್ಳಿ. ಬಳಿಕ ಇದಕ್ಕೆ ಪ್ಲೇಟ್ ಮುಚ್ಚಿ 15 ನಿಮಿಷ ಬದಿಗಿಡಿ. ಈಗ ಸಕ್ಕರೆ ಪಾಕ ಮಾಡಲು ಒಲೆ ಮೇಲೆ ಒಂದು ಪಾತ್ರೆ ಇಟ್ಟು ಅದಕ್ಕೆ ಸಕ್ಕರೆ ಹಾಗೂ ನೀರು ಹಾಕಿ ಸಣ್ಣ ಉರಿಯಲ್ಲಿ ಕಾಯಿಸಿಕೊಳ್ಳಿ. ಸಕ್ಕರೆ ಕರಗುವ ವರೆಗೂ ಬಿಡಿ. ಬಳಿಕ ಸ್ವಲ್ಪ ನಿಂಬೆ ರಸ ಹಿಂಡುಕೊಳ್ಳಿ. 2 ನಿಮಿಷ ಕುದಿ ಬಂದರೆ ಸಾಕಾಗುತ್ತದೆ. ಇಷ್ಟು ಮಾಡಿದ ಬಳಿಕ ಜಾಮೂನ್ ಹಿಟ್ಟು ತೆಗೆದುಕೊಂಡು ಸಣ್ಣ ಸಣ್ಣ ಉಂಡೆಗಳ ಮಾಡಿ ಇಡಿ. ಈಗ ಸಕ್ಕರೆ ಪಾಕಕ್ಕೆ ಏಲಕ್ಕೆ ಪೌಡರ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.

ಬಳಿಕ ಒಂದು ಪಾತ್ರೆಯನ್ನು ಒಲೆ ಮೇಲೆ ಇಟ್ಟು ಎಣ್ಣೆ ಹಾಕಿ ಬಳಿಕ ಅದಕ್ಕೆ ಉಂಡೆ ಮಾಡಿದ ಜಾಮೂನ್ ಅನ್ನು ಹಾಕಿ ಕರಿದುಕೊಳ್ಳಿ. ಮೀಡಿಯಂ ಉರಿಯಲ್ಲಿ ಇಟ್ಟು ಕರಿದುಕೊಳ್ಳಿ. ಈ ಜಾಮೂನ್ ಗೋಲ್ಡನ್ ಕಲರ್ ಬರುವವರೆಗೂ ಕರಿದುಕೊಳ್ಳಿ. ಈಗ ಜಾಮೂನ್ ಅನ್ನು ತೆಗದು ಸಕ್ಕರೆ ಪಾಕಕ್ಕೆ ಹಾಕಿಕೊಳ್ಳಿ. ಎಲ್ಲಾ ಜಾಮೂನ್ ಅನ್ನು 5 ನಿಮಿಷಗಳ ಬಳಿಕ ಪಾಕದಿಂದ ತೆಗೆದು ಒಂದು ತಟ್ಟೆಗೆ ಹಾಕಿಕೊಳ್ಳಿ. ಬಳಿಕ ಅಂತಿಮವಾಗಿ ಇದಕ್ಕೆ ಕೊಬ್ಬರಿ ಪುಡಿಯನ್ನು ಮೇಲೆ ಹಾಕಿಕೊಂಡರೆ ನಿಮ್ಮ ಮುಂದೆ ಡ್ರೈ ಜಾಮೂನ್ ರೆಡಿಯಾಗುತ್ತದೆ. ಇದು ಜಾಮೂನ್ ಮಾಡುವ ಸುಲಭದ ವಿಧಾನವಾಗಿದೆ. ನೀವು ಸಹ ಒಮ್ಮೆ ಈ ರೀತಿ ಡ್ರೈ ಜಾಮೂನ್ ಮಾಡಿ ಪ್ರಯತ್ನಿಸಿ.