ಪ್ರಮುಖ ಸುದ್ದಿ
ಇನ್ಫೊಸಿಸ್ ನಾರಾಯಣಮೂರ್ತಿ ಅಳಿಯ, ಇಬ್ಬರು ಇಂಡಿಯನ್ಸ್ ಗೆ ಇಂಗ್ಲೆಂಡ್ ಪ್ರಧಾನಿ ಕ್ಯಾಬಿನೆಟ್ ನಲ್ಲಿ ಸ್ಥಾನ!
ಇಂಗ್ಲೆಂಡ್ನ ನೂತನ ಪ್ರಧಾನಿಯಾಗಿ ಬೋರಿಸ್ ಜಾನ್ಸನ್ ನಿನ್ನೆಯಷ್ಟೇ ಅಧಿಕಾರ ಹಿಡಿದಿದ್ದಾರೆ. ಅವರ ಕ್ಯಾಬಿನೆಟ್ನಲ್ಲಿ ಇನ್ಫೋಸಿಸ್ ಸಹಸಂಸ್ಥಾಪಕ ನಾರಾಯಣಮೂರ್ತಿ ಅವರ ಅಳಿಯ ರಿಶಿ ಸುನಾಕ್ ಸ್ಥಾನ ಪಡೆದಿದ್ದಾರೆ. ನಾರಾಯಣ ಮೂರ್ತಿ ಅವರ ಮಗಳು ಅಕ್ಷತಾ ಅವರ ಪತಿ ರಿಶಿ ಈ ಹಿಂದೆ ತೆರೆಸಾ ಮೇ ಸರ್ಕಾರದಲ್ಲೂ ಇದ್ದರು. ಅಂತೆಯೇ ಭಾರತೀಯ ಮೂಲದ ಅಲೋಕ್ ಶರ್ಮ ಹಾಗೂ ಪ್ರೀತಿ ಪಟೇಲ್ ಸಹ ಬೋರಿಸಿ ಜಾನ್ಸನ್ ಕ್ಯಾಬಿನೆಟ್ ನಲ್ಲಿ ಸ್ಥಾನ ಪಡೆದಿದ್ದಾರೆ ಎಂದು ತಿಳಿದು ಬಂದಿದೆ.
ರಿಶಿ ಅವರು ಯಾರ್ಕ್ಶೈರ್ನ ರಿಚ್ಮಂಡ್ಗೆ ಕನ್ಸರ್ವೇಟಿವ್ ಪಕ್ಷದ ಸಂಸದರಾಗಿದ್ದಾರೆ. ರಿಶಿ ಮೂಲತಃ ಇಂಗ್ಲಂಡ್ನವರಾಗಿದ್ದಾರೆ. ಅಕ್ಷತಾಗೆ ಕ್ಯಾಲಿಫೋರ್ನಿಯಾದಲ್ಲಿ ಪರಿಚಿತರಾಗಿದ್ದು ಬಳಿಕ ಮದುವೆಯಾಗಿದ್ದರು.
