ಕಲಬುರಗಿ: ವಾಕಿಂಗ್ ವೇಳೆ ಕಾರು ಡಿಕ್ಕಿ, ಪಟ್ಟಣ ಪಂಚಾಯ್ತಿ ಮಾಜಿ ಅದ್ಯಕ್ಷ ಸಾವು

ಜೀವ ಉಳಿಸಿಕೊಳ್ಳುವುದು ಮುಖ್ಯ ಅಲ್ಲವೇ?

ವಾಕಿಂಗ್ ಮಾಡಿ, ವಾಯು ವಿಹಾರಕ್ಕೆ ಹೋಗಿ, ಮಿತವಾದ ವ್ಯಾಯಾಮ, ಯೋಗಭ್ಯಾಸದ ಮೂಲಕ ಆರೋಗ್ಯ ಕಾಪಾಡಿಕೊಳ್ಳಿ. ಇದು ನೀವು ವೈದ್ಯರ ಬಳಿಗೆ ಹೋದಾಗ ಅವರು ಹೇಳಿಕೊಡುವ ಟಿಪ್ಸ್. ಆದರೆ, ವಾಕಿಂಗ್ ಹೋಗಬೇಕಾದರೆ ಉತ್ತಮ ಸ್ಥಳ ಆಯ್ಕೆ ಮಾಡಿಕೊಳ್ಳುವ ಜರೂರತ್ತಿದೆ. ದಟ್ಟವಾಹನ ಸಂಚಾರಿಸುವ ರಸ್ತೆಗಳಲ್ಲಿ ವಾಕಿಂಗ್ ಹೋಗುವುದು ಅಪಾಯಕಾರಿ. ನಾವೆಷ್ಟೆಲ್ಲಾ ಮುಂಜಾಗೃತೆ ವಹಿಸಿದರೂ  ವಾಹನ ಚಾಲಕನ ಮನೋಸ್ಥಿತಿ ಹೇಗಿರುತ್ತೆ ಯಾರಿಗೆ ಗೊತ್ತು. ಅದರಲ್ಲೂ ಬೆಳಗಿನ ಜಾವ ಇನ್ನೂ ಡೇಂಜರು.

ವಾಹನ ಸಂಚರಿಸುವ ರಸ್ತೆಗಳಲ್ಲಿ ವಾಕಿಂಗ್ ಮಾಡುವುದಕ್ಕಿಂತ ಊರ ಹೊರವಲಯದಲ್ಲಿ ವಾಕ್ ಮಾಡೋದು ಒಳಿತು. ಆಟದ ಮೈದಾನಗಳು, ಕೆರೆ ಅಂಗಳ, ದೇಗುಲ, ಮಠದ ಅಂಗಳ ಅಥವಾ ವಾಹನಗಳ ಸಂಚಾರ ಕಡಿಮೆ ಇರುವ ಗ್ರಾಮೀಣ ರಸ್ತೆಗಳಲ್ಲಿ ವಾಕಿಂಗ್ ಮಾಡುವ ಮೂಲಕ ಉತ್ತಮ ಗಾಳಿಯೂ ಸೇವಿಸಬಹುದು. ಎನಿವೇ ವಾಕಿಂಗ್ ಮಾಡಿ ಬಟ್ ಉತ್ತಮ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳಿ ಅನ್ನೋದು ವಿನಯವಾಣಿ ಕಳಕಳಿ.