‘ಅಪರಿಚಿತ‘ ಲೋಕಕ್ಕೆ ತೆರಳಿದ ಅಪರೂಪದ ಕಲಾವಿದ!
ಬೆಂಗಳೂರು: ಅನಾರೋಗ್ಯದಿಂದ ಬಳಲುತ್ತಿದ್ದ ಹಿರಿಯ ನಟ, ನಿರ್ದೇಶಕ ಕಾಶೀನಾಥ ಇಂದು ಕೊನೆಯುಸಿರೆಳೆದಿದ್ದಾರೆ. ಶ್ರೀಶಂಕರ್ ಕ್ಯಾನ್ಸರ್ ಆಸ್ಪತ್ರೆಯಲ್ಲಿ ಕಳೆದ ಎರಡು ದಿನಗಳಿಂದ ಅವರು ಚಿಕಿತ್ಸೆ ಪಡೆಯುತ್ತಿದ್ದರು. ಆದರೆ, ಚಿಕಿತ್ಸೆ ಫಲಿಸದೆ ಕಾಶೀನಾಥ್ ಇಂದು ಇಹಲೋಕ ತ್ಯಜಿಸಿದ್ದಾರೆ ಎಂದು ತಿಳಿದು ಬಂದಿದೆ.
ತಮ್ಮದೇ ಆದ ವಿಭಿನ್ನ ಶೈಲಿ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಛಾಪು ಮೂಡಿಸಿದವರು ಕಾಶೀನಾಥ್. ಅಷ್ಟೇ ಅಲ್ಲದೆ, ಸೂಪರ್ ಸ್ಟಾರ್ ಉಪೇಂದ್ರ ಸೇರಿದಂತೆ ಅದ್ಭುತ ಪ್ರತಿಭೆಗಳಿಗೆ ಗುರುವಾಗಿ ಮಾರ್ಗದರ್ಶನ ನೀಡಿದವರು. ಹೀಗಾಗಿ, ನಟ, ನಿರ್ದೇಶಕನಾಗಿ ಕರುನಾಡಿನ ಜನರ ಮನ ಗೆದ್ದಿದ್ದ ಕಾಶೀನಾಥ್ ಸ್ಯಾಂಡಲ್ ವುಡ್ ನಲ್ಲೂ ಕಿಂಗ್ ಆಗಿ ಮೆರೆದವರು.
ಮನೋಗ್ನ ಅಭಿನಯದ ಮೂಲಕ ಅಭಿಮಾನಿಗಳನ್ನು ಸೆಳೆದಿದ್ದ ಕಾಶೀನಾಥ್, ವಿಶಿಷ್ಟ ಡೈಲಾಗ್ಸಗಳು, ವಿಭಿನ್ನ ಚಿತ್ರಗಳ ಮೂಲಕ ಕಲಾರಸಿಕರ ಬರಸೆಳೆದವರು. ಇತ್ತೀಚೆಗಷ್ಟೇ ತೆರೆಕಂಡ ಚೌಕ ಚಿತ್ರದಲ್ಲಿನ ಕಾಶೀನಾಥ್ ಅಭಿನಯ ಭಾರೀ ಜನ ಮೆಚ್ಚುಗೆ ಪಡೆದಿತ್ತು. ಅಂತ ಅಪರೂಪದ ಕಲಾವಿದ ಕಾಶೀನಾಥ್ ಇಂದು ಇಲ್ಲವಾಗಿದ್ದು ಸಿನಿಲೋಕಕ್ಕಷ್ಟೇ ಅಲ್ಲದೆ ರಾಜ್ಯಕ್ಕೆ ಭರಿಸಲಾಗದ ನಷ್ಟವೆಂದರೆ ತಪ್ಪಾಗದು.
