ಮೇ 28 ಋತುಚಕ್ರ ನೈರ್ಮಲ್ಯ ದಿನ – ಮುಟ್ಟಿನ ಅವಧಿ ಮೂಢನಂಬಿಕೆಯ ಬಂಧನವಾಗದಿರಲಿ

ಮೇ 28 ಋತುಚಕ್ರ ನೈರ್ಮಲ್ಯ ದಿನ :
ಮುಟ್ಟಿನ ಅವಧಿ ಮೂಢನಂಬಿಕೆಯ ಬಂಧನವಾಗದಿರಲಿ

ವಿಶೇಷ ಲೇಖನ ಮಹಿಳೆಯರಿಗಾಗಿ..

ವಿವಿ ಡೆಸ್ಕ್ಃ  ಮುಟ್ಟು ಆಗದಿರುವ ಮನೆ ಇಲ್ಲ ಅಂದ ಮೇಲೆ ಮುಟ್ಟಿನ ಗುಟ್ಟ್ಯಾಕೆ ಅನ್ನುವ ಪ್ರಶ್ನೆ ಸಹಜ ಮಹಿಳೆಯರ ನೈಸರ್ಗಿಕ ಪ್ರಕ್ರಿಯೆ ಈ ಅವಧಿಯಲ್ಲಿ ಮೂಡನಂಬಿಕೆಯ ರೂಡಿಗತವಾಗಿರುವ ಕೆಲವು ಆಚರಣೆಯಿಂದ ಬಂಧನದಲ್ಲಿರುವ ನಮಗೆಲ್ಲಾ ತಿಳದಿರುವ ವಿಷಯ.
ಋತುಚಕ್ರಮ ನೈರ್ಮಲ್ಯ ದಿನದಂದು ಮಹಿಳೆಯರು ಮುಟ್ಟಿನ ಅವಧಿಯಲ್ಲಿ ಸಮಾಜದಿಂದ ನಿರ್ಭಂಧಿಸಲ್ಪಟ್ಟ ವಿಚಾರ, ಅವರಲ್ಲಿರುವ ಅರಿವಿನ ಬಗ್ಗೆ ಮತ್ತು‌ ಶುಚಿತ್ವದ ಅಭ್ಯಾಸಗಳನ್ನು ರೂಡಿಸಿಕೊಳ್ಳುವುದರಿಂದ ಆರೋಗ್ಯಕ್ಕೆ ಆಗುವ ಲಾಭಗಳನ್ನು ಕುರಿತು ಮೇಲಕು ಹಾಕಿ,ಕುಟುಂಬ ಸಮಾಜದಲ್ಲಿ
ಮಹಿಳೆಯರು ಮುಕ್ತವಾಗಿ ಮಾತನಾಡಿ ಮೂಡನಂಬಿಕೆಗಳಿಂದ ಹೊರಬರಲು ಎಲ್ಲರ ಸಹಕಾರ ಮುಖ್ಯವಾಗಿದೆ.
ವಿಜ್ಞಾನ ಬೆಳೆದರೂ ಶಿಕ್ಷಣ, ಜಾಗೃತಿಯ ಅರಿವಿನ ಕೊರತೆ ಎಂದು ತಿಳಿದರೂ ಈ ಪ್ರಕ್ರಿಯೆ ವೈಜ್ಞಾನಿಕ‌ ಚಿಂತನೆಯಿಂದ ಮುಟ್ಟು ಒಂದು ಸಹಜ ಪ್ರಕ್ರಿಯೆ ಎಂದು ತಿಳಿದಿರುವ ಕುಟುಂಬಗಳು ತೀರಾ ಕಡಿಮೆ ಇವೆ‌.ಋತುಚಕ್ರ ಅವಧಿಯಲ್ಲಿ ನಾವು ಪ್ರಮುಖ 3 ವಿಭಾಗಗಳಲ್ಲಿ ಜಾಗೃತಿಯ ಮಟ್ಟವನ್ನು ಹೆಚ್ಚಿಸಬೇಕಿದೆ.

1.ಮುಟ್ಟಿನ ಅವಧಿಯಲ್ಲಿ ಮೂಡನಂಬಿಕೆಯ ಬಂಧನದಿಂದ ಮುಕ್ತಿ ಮಾಡುವುದು.

2.ಮುಟ್ಟಿನ ಅವಧಿಯಲ್ಲಿ ನೈಸರ್ಗಿಕ ಪ್ರಕ್ರಿಯೆ ಅವಧಿಯಲ್ಲಿ ಶುಚಿತ್ವ, ಆರೋಗ್ಯ ಕಾಳಜಿ ಬಗ್ಗೆ ಇರುವ ಅರಿವಿನ ಮಟ್ಟ ಹೆಚ್ಚಿಸುವುದು.

3.ಮುಟ್ಟಿನ ಅವಧಿಯಲ್ಲಿ ಉಪಯೋಗಿಸಿರುವ ತ್ಯಾಜ್ಯವನ್ನು ಸೂಕ್ತ ವಿಲೇವಾರಿ ಮಾಡುವುದು.

ಈ 3 ಅಂಶಗಳ ಕುರಿತು ಕುಟುಂಬ, ಸಮಾಜ, ಇಲಾಖೆ ಮತ್ತು ಸಂಘ-ಸಂಸ್ಥೆಗಳು ಸಹ ಒಟ್ಟಾಗಿ ಕೆಲಸಮಾಡಲು ಮುತುವರ್ಜಿ ವಹಿಸಬೇಕಾಗಿದೆ. ಅಂದಾಗ ಮಾತ್ರ ಕಿಶೋರಿ/ಮಹಿಳೆಯರಲ್ಲಿ ಇದು ಸಹಜ ಪ್ರಕ್ರಿಯವಾಗಿದೆ ಅನ್ನುವ ವಾತಾವರಣ ನಿರ್ಮಾಣ ಮಾಡಲು ಸಾಧ್ಯ.

*ಮೇ 28 ರಂದು ಪ್ರತಿ ವರ್ಷ ಋತುಚಕ್ರಮ ನೈರ್ಮಲ್ಯ* ದಿನವನ್ನಾಗಿ ಆಚರಣೆ ಮಾಡಲಾಗುತ್ತಿದೆ.
ಮುಟ್ಟಿನ ಮಾಸಿಕ ಅವಧಿ 28 ದಿನಗಳು, ಋತುಸ್ರಾವದ ಅವಧಿ ಸರಾಸರಿ 5 ದಿನಗಳಾಗಿವೆ ಎಂದು 5 ನೇ ತಿಂಗಳು 28 ನೇ ದಿನದಂದು ಋತುಚಕ್ರ ನೈರ್ಮಲ್ಯ ದಿನವನ್ನಾಗಿ ಆಚರಿಸಿ ಕಿಶೋರಿ/ ಮಹಿಳೆಯರಲ್ಲಿ ಸಮಾಜದಲ್ಲಿ ಜಾಗೃತಿ ಮೂಡಿಸಲು ಪ್ರತಿ ವರ್ಷ ಹಲವು ಚಟುವಟಿಕೆ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ.
ಮೂಡನಂಬಿಕೆಯ ಬಂಧನದಿಂದ ಮುಕ್ತಿ: ಕಿಶೋರಿ/ ಮಹಿಳೆಯರು ಪ್ರತಿ ಮಾಹೆಯು ಋತುಚಕ್ರ ಅವಧಿಯಲ್ಲಿ 5-8 ದಿನ ಅಥವಾ 3-5 ದಿನ ರೂಡಿಗತವಾಗಿರುವ ಮೂಡನಂಭಿಕೆ ಬಂಧನದಲ್ಲಿರಿಸುವುದು ಇವತ್ತಿಗೂ ಕಾಣುತ್ತೇವೆ. ಗ್ರಾಮೀಣ ಭಾಗದಲ್ಲಿ ಈ ಅವಧಿಯಲ್ಲಿ ಮನೆಯ ಪ್ರಮುಖ ಧಾರ್ಮಿಕ ಕಾರ್ಯಕ್ರಮ,ಪೂಜೆ, ಶುಭ ಕಾರ್ಯಕ್ರಮಗಳಲ್ಲಿ ಭಾಗವಹಿಸದೆ ಇರುವುದು,ಮುಟ್ಟಿನ ದೋಷ ಆಗುತ್ತದೆ ಎಂದು ಮಕ್ಕಳನ್ನು ಎತ್ತಿಕೊಳ್ಳದಿರುವ ಭಾವನೆ , ಉಪ್ಪಿನ ಕಾಯಿ ಮುಟ್ಟದಿರುವುದು ಹೀಗೆ ಕೆಲವು ರೂಢಿಗತವಾಗಿ ಬಂಧಿಸಲ್ಪಟ್ಟಿದ್ದೇವೆ. ಈ ಬಂಧನದಿಂದ ಹೊರತರಬೇಕಾಗಿರುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದೆ.
ಮುಟ್ಟಿನ ಅವಧಿಯಲ್ಲಿ ಶುಚಿತ್ವದ ಅಭ್ಯಾಸಗಳು ಮತ್ತು ಆರೋಗ್ಯ ಕಾಳಜಿ ವಹಿಸಬೇಕಿದೆ :
ಮುಟ್ಟಿನ ಅವಧಿಯಲ್ಲಿ ನಾವು ಶುಚಿತ್ವ
ಮತ್ತು ಆರೋಗ್ಯದ ಕಾಳಜಿ ವಹಿಸಬೇಕಿದೆ. ಕುಟುಂಬದ ಸಹಕಾರ ಪ್ರಮುಖವಾದದ್ದು.ಕಿಶೋರಿಯರು/ ಮಹಿಳೆಯರಲ್ಲಿ ಮುಟ್ಟಿನ ಅವಧಿಯಲ್ಲಿ ಆರೋಗ್ಯದಲ್ಲಿ ಆಗುವ ಏರು-ಪೇರಾಗಿ ಅನಾರೋಗ್ಯಕ್ಕೆ ಒಳಗಾದಾಗ ಇಂತಹ ವಿಷಯವನ್ನು ಮುಕ್ತವಾಗಿ ಹಂಚಿಕೊಳ್ಳಲು ವೈದ್ಯರ ಬಳಿ ಸಮಾಲೋಚನೆ ಮಾಡಿ ಅವರ ಸಲಹೆಯಂತೆ ಆರೋಗ್ಯದ ಆರೈಕೆ ಮಾಡಿಕೊಳ್ಳುವುದು ಉತ್ತಮ. ಹೇಗೆ ಹೇಳೊದು ಎಂಬ ಸಂಕೋಚಿತ ಮನೋಭಾವನೆಯಿಂದ ಮುಚ್ಚಿಡುವ ಮಹಿಳೆಯರು ಸಂಖ್ಯೆ ಹೆಚ್ಚು.ಆದರೆ ಆರೋಗ್ಯ, ಮಹಿಳಾ & ಮಕ್ಕಳ ಕಲ್ಯಾಣ ಇಲಾಖೆಯಿಂದ ನಡೆಯುವ ಸ್ನೇಹ ಕ್ಲೀನಿಕ್ ಸಭೆಯಲ್ಲಿ ಅಥವಾ ಕಿಶೋರಿಯರ / ತಾಯಂದಿರರ ಸಭೆಯಲ್ಲಿ ಕಿಶೋರಿಯರು/ ಮಹಿಳೆಯರು ನಿರೀಕ್ಷಿತ ಮಟ್ಟದಲ್ಲಿ ಪಾಲ್ಗೊಳ್ಳುವುದಿಲ್ಲ. ಪಾಲ್ಗೊಂಡರೂ ಋತುಚಕ್ರದ ನಿರ್ವಹಣೆಗೆ ಮತ್ತು ಆರೋಗ್ಯಕ್ಕೆ

ಸಂಬಂಧಿಸಿದ ವಿಷಯಗಳನ್ನು ಮುಕ್ತವಾಗಿ ಹಂಚಿಕೊಳ್ಳದಿರುವ ಹಲವು ಉದಾಹರಣೆಗಳಿವೆ.

ಮಹಿಳೆಯರಲ್ಲಿನ ಸ್ವಾಭಾವಿಕ ಮನಸಿನ ಸ್ಥಿತಿ ಮತ್ತು ಮುಜುಗರದ ಭಾವನೆ ಇನ್ನೂ ಮಹಿಳೆಯರಲ್ಲಿದೆ. ಈ ಮಾನಸಿಕ‌ ಸ್ಥಿತಿಯಿಂದ ಕಿಶೋರಿಯರು / ಮಹಿಳೆಯರು ಹೊರಬರಲು ಅವರಿಗೆ ಶಾಲಾಹಂತದಲ್ಲಿ,ವಯಸ್ಕ ಹೆಣ್ಣುಮಕ್ಕಳಿಗೆ ಸ್ವಸಹಾಯಕ ಸಂಘದ ಸಭೆಯಲ್ಲಿ ತಿಳಿಸುವುದು ಹಾಗೂ ಆರೋಗ್ಯ ಇಲಾಖೆ ಏರ್ಪಡಿಸುವ
ಕ್ಲೀನಿಕ್ ನಲ್ಲಿ ನಿರ್ಭಿತರಾಗಿ ಪಾಲ್ಗೊಂಡು ತಮಗಾಗುವ, ತಮ್ಮ ಕುಟುಂಬದವರಲ್ಲಿ, ಅವರ ಅಕ್ಕ- ಪಕ್ಕದವರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಮುಕ್ತವಾಗಿ ಹಂಚಿಕೊಂಡು ವೈದ್ಯರ ಸಲಹೆ ಪಾಲಿಸಿ ಮೂಡನಂಬಿಕೆಯಿಂದ ಹೊರಬರಬೇಕಿದೆ.

3)ಮುಟ್ಟಿನ ಅವಧಿಯಲ್ಲಿ ಉಪಯೋಗಿಸುವ ತ್ಯಾಜ್ಯವನ್ನು ಸೂಕ್ತ ವಿಲೇವಾರಿ :ಒಂದು ಗ್ರಾಮದಲ್ಲಿ 1000 ಜನಸಂಖ್ಯೆ ಇದೆ ಎಂದುಕೊಂಡರೆ ವೈಜ್ಞಾನಿಕ ಲೆಕ್ಕಾಚಾರದ ಪ್ರಕಾರ ಒಟ್ಟು ಜನಸಂಖ್ಯೆಯಲ್ಲಿ ಸರಾಸರಿ ಶೇ.50% ( 500) ಮಹಿಳೆಯರು ಇರುವ ಲೆಕ್ಕ. 500 ಜನ ಮಹಿಳೆಯರಲ್ಲಿ ಶೇ.25% ಹೆಣ್ಣು ಮಕ್ಕಳು ಅಂದರೆ 125 ಮಹಿಳೆ/ ಕಿಶೋರಿಯರು ಪ್ಯಾಡ್ ಗಳನ್ನು ಉಪಯೋಗಿಸುತ್ತಿರುವ ಮಾಹಿತಿ
ಮಾಸಿಕ ಋತುಚಕ್ರ ಅವಧಿಯಲ್ಲಿ ಒಬ್ಬ ಮಹಿಳೆ ಕನಿಷ್ಠ 8 ಪ್ಯಾಡ್ಗಳನ್ನು ಉಪಯೋಗಿಸುತ್ತಿರುವಾಗ ಲೆಕ್ಕಚಾರ
ಋತುಚಕ್ರ ಪ್ರಕ್ರಿಯೆಲ್ಲಿರುವ ಮಹಿಳೆಯರ ಸಂಖ್ಯೆ 125X8 = 1000 ಪ್ಯಾಡ್ ಗಳು ಆ ಗ್ರಾಮದಿಂದ ಒಂದು ಮಾಹೆಯಲ್ಲಿ ಉಪಯೋಗಿಸಿ ಎಸೆಯಲ್ಪಡುತ್ತಿವೆ. ಉಪಯೋಗಿಸಿದ ಪ್ಯಾಡ್, ಮಕ್ಕಳ ಡೈಪರ್ ಇತರೆ ವಸ್ತುಗಳನ್ನು ಎಲ್ಲೆಂದರಲ್ಲಿ ಬಿಸಾಡದೆ ಸೂಕ್ತವಾಗಿ ಒಂದು ಕವರ್ ನಲ್ಲಿ ಸುತ್ತಿ ಮಾರ್ಕ್ ಮಾಡಿ ವಿಲೇವಾರಿ ಮಾಡುವ ಅಭ್ಯಾಸ ಅಳವಡಿಸಿಕೊಳ್ಳಬೇಕಿದೆ.
ಇಂತಹ ಅಸುರಕ್ಷಿತ ಪ್ಯಾಡ್ ಗಳನ್ನು ಉಪಯೋಗಿಸುವುದನ್ನು ಬಿಟ್ಟು ಬಟ್ಟೆ ಅಥವಾ ಮುಟ್ಟಿನ ಕಪ್ಪಗಳನ್ನು ಬಳಸಿ ನಮ್ಮ ಆರೋಗ್ಯದ ಕಾಳಜಿ ವಹಿಸಬೇಕಿದೆ. ಈ ಸುರಕ್ಷತೆಯ ಅಭ್ಯಾಸಗಳು ಕುಟುಂಬದಲ್ಲಿ ಒಬ್ಬ ಮಹಿಳೆ ಅನುಸರಿಸಿದರೆ ಆ ಕುಟುಂಬದಲ್ಲಿರುವ ಮಹಿಳೆಯರು ಅರಿವಿನ ಮಟ್ಟ ಸಹಜ ಹೆಚ್ಚಾಗಲಿದೆ.
ಒಬ್ಬ ಮಹಿಳೆಯ ಜೀವಿತ ಅವಧಿಯಲ್ಲಿ ಋತುಚಕ್ರ ಅವಧಿಗೆ ಭಾದಿತ ದಿನಗಳ ಮಾಹಿತಿ. ಒಂದು ತಿಂಗಳಿಗೆ 5 ದಿನಗಳ 12 ತಿಂಗಳು X5 =60 ವರ್ಷಕ್ಕೆ 60 ದಿನಗಳು ಒಬ್ಬ ಮಹಿಳೆ ಸರಾಸರಿ 28-30 ವರ್ಷಗಳ ಕಾಲ ಋತಮತಿಯಾಗುತ್ತಾರೆ. ಅಂದಾಗ 1800 ದಿನಗಳು ಅಂದರೆ ನಾಲ್ಕುವರೆ ವರ್ಷಗಳ ಕಾಲ ಮಹಿಳೆಯರು ಋತಚಕ್ರ ಅವಧಿಯಲ್ಲಿ ಭಾದಿತರಾಗಿ ಅನಾರೋಗ್ಯ, ಕಿನ್ನತೆ, ರೂಡಿಗತ ಮೂಡನಂಬಿಕೆಗೆ ಒಳಗಾಗಿರುವ ಅನೇಕ ಅನುಭವ ನಮ್ಮಲ್ಲಿವೆ.
ಈ ಪ್ಯಾಡ್ ಗಳಿಗೆ ವ್ಯಯಿಸುವ ಖರ್ಚು ಲೆಕ್ಕಹಾಕಿದಾಗ ಒಬ್ಬ ಮಹಿಳೆಗೆ ಮಾಸಿಕ 50/- ರೂ ಅಂದರೆ ವರ್ಷಕ್ಕೆ 600 /- ರೂ 30 ವರ್ಷಕ್ಕೆ 18000 /- ಖರ್ಚು ವೆಚ್ಚ ಮಾಡಲಾಗುತ್ತಿದೆ.ಒಂದು ಕುಟುಂಬದಲ್ಲಿ ಕಿಶೋರಿಯರು ಮತ್ತು ಮಹಿಳೆಯರು ಸೇರಿ ಸರಾಸರಿ 3 ಜನ ಅಂದಾಗ 18000X3 = 54000/- ರೂಪಾಯಿಯನ್ನು ಒಂದು ಕುಟುಂಬದಿಂದ ಋತುಚಕ್ರ ಅವಧಿಯಲ್ಲಿ ಉಪಯೋಗಿಸುವ ಪ್ಯಾಡ್ ಗಾಗಿ ವ್ಯಯಿಸಲಾಗುತ್ತಿದೆ.
ಅದಕ್ಕಾಗಿ ನಾವು ಮರುಬಳಕೆಯ ವಸ್ತುಗಳಾದ ಬಟ್ಟೆ / ಮುಟ್ಟಿನ ಕಪ್ಪಗಳನ್ನು ವೈದ್ಯರ ಸಲಹೆಯಂತೆ ಪಡೆದು ಉಪಯೋಗಿಸುವುದು ಸೂಕ್ತವಾಗಿದೆ.

ಈ ವಿಷಯಕ್ಕೆ ಸಂಬಂದಿಸಿದಂತೆ ಕಿಶೋರಿಯರಲ್ಲಿ ಮತ್ತು ಮಹಿಳೆಯರಲ್ಲಿ ಜಾಗೃತಿ ಮೂಡಿಸಲು ಕಳೆದ ವರ್ಷದಲ್ಲಿ ಆಯ್ದ ಆರೋಗ್ಯ ಇಲಾಖೆ ಸಿಬ್ಬಂದಿ, ಆಶಾ, ಅಂಗನವಾಡಿ, ಎಂಬಿಕೆ, ಸ್ವ ಸಹಾಯ ಸಂಘದ ಆಯ್ದ ಸದಸ್ಯರಿಗೆ ಜಾಗೃತಿ ಸಂವಾದ ಸಭೆಯನ್ನು ಆಯೋಜಿಸಿ ಆರೋಗ್ಯ ಸ್ನೇಹಿ ವಸ್ತುಗಳನ್ನು ಬಳಸಿ, ಶುಚಿತ್ವ ಅಭ್ಯಾಸ ರೂಡಿಸಿಕೊಳ್ಳುವಂತೆ ಪ್ರೇರೆಪಿಸಲು ಕಾರ್ಯಗಾರ ಏರ್ಪಡಿಸಿ ಸಂಪನ್ಮೂಲ ವ್ಯಕ್ತಿಗಳೆಂದು ಗುರುತಿಸಲಾಗಿದೆ.

ಋತುಚಕ್ರ ನೈರ್ಮಲ್ಯ ದಿನದಂದು ಮಹಿಳೆಯರಿಗೆ ಮಕ್ಕಳಿಗೆ, ಕಿಶೋರಿಯರಿಗೆ ಆಪ್ತ ಸಮಾಲೋಚನಾ ಸಭೆ / ಸಂವಾದ ಸಭೆ ಏರ್ಪಡಿಸಿ ಅವರಲ್ಲಿರುವ ಮೂಡನಂಬಿಕೆಯ ಬಂಧನದಿಂದ ಮುಕ್ತಿಗೊಳಿಸಿ ಶುಚಿತ್ವದ ಬಗ್ಗೆ ಅವರಲ್ಲಿರುವ ಅರಿವಿನ ಮಟ್ಟ ಹೆಚ್ಚಿಸಲು ನಾವು ಎಲ್ಲರು ಸಹಕರಿಸಬೇಕಾಗಿದೆ.

ಲೇಖನ..

ಶಿವಕುಮಾರ ಬಿ
IEC ಸಮಾಲೋಚಕರು SBM-G
WASH ಘಟಕ ಜಿ.ಪಂ.ಯಾದಗಿರಿ