ಆಕಾಶದಿಂದ ಬಿದ್ದ ಉಲ್ಕಾ ಶಿಲೆ ಸಂಗ್ರಹಿಸಿದ ಜನರಿಗೆ ದುಡ್ಡೋ ದುಡ್ಡೋ.!
ದುಡ್ಡಿನ ಭಾಗ್ಯ ತಂದುಕೊಟ್ಟ ಉಲ್ಕಾ ಶಿಲೆ
ವಿವಿ ಡೆಸ್ಕ್ಃ ಜನ ಬೆರಗಾಗುವಂತ ಬಂಡೆಗಲ್ಲುಗಳು ಆಕಾಶದಿಂದ ಉದುರಿವೆ.ಇದನ್ನು ಕಂಡ ಜನ ನಿಬಬೆರಗಾಗಿದ್ದು, ಅವುಗಳನ್ನು ಸಂಗ್ರಹಿಸಿಟ್ಟ ಘಟನೆ ಬ್ರೆಜಿಲ್ ನ ಸಾಂತಾ ಫಿಲೋಮಿನಾದ‌ಲ್ಲಿ ನಡೆದಿದೆ.
ಇಲ್ಲಿನ ನಿವಾಸಿಗಳೇ ಮಳೆ ರೂಪದಲ್ಲಿ ಬಿದ್ದ ಈ ಅಪರೂಪವಾಗಿ ಕಂಡ ಬಂಡೆಗಲ್ಲನ್ನು ಸಂಗ್ರಹಿಸಿದ್ದಾರೆ. ನೂರಾರು ಉಲ್ಕಾ ಶಿಲೆ ಬಂಡೆಗಳು ಆಕಾಶದಿಂದ ಮಳೆಯ ರೂಪದಲ್ಲಿ ಬಿದ್ದಿವೆ.
ವರದಿಗಳ ಪ್ರಕಾರ, ಬಾಹ್ಯಾಕಾಶ ಶಿಲೆಯ ತುಣುಕುಗಳು 4.6 ಶತಕೋಟಿ ವರ್ಷಗಳಷ್ಟು ಹಳೆಯದಾದ ಉಲ್ಕಾ ಶಿಲೆಯ ಭಾಗವೆಂದು ನಂಬಲಾಗಿದೆ.
ಇನ್ನೂ ಸಾಂತಾ ಫಿಲೋಮಿನಾದ ನಿವಾಸಿಗರು ಈ ಶಿಲೆಯನ್ನು ಸಂಗ್ರಹಿಸಿಕೊಂಡವು ಶ್ರೀಮಂತರಾಗುತ್ತಿದ್ದಾರೆ ಎಂದು ವರದಿಗಳು ಹೇಳುತ್ತಿವೆ. 40 ಕೆಜಿ ತೂಕದ ಉಲ್ಕಾ ಶಿಲೆಯೊಂದು 26,000 ಡಾಲರ್ ಮೌಲ್ಯ ಹೊಂದಿದೆ ಎಂದು ಹೇಳಲಾಗುತ್ತಿದೆ. ಈ ಶಿಲೆ ವಿದೇಶದಲ್ಲಿ ಸಿಕ್ಕಾಪಟ್ಟೆ ಬೆಲೆ ಇದೆ ಎನ್ನಲಾಗಿದೆ.
ಹೀಗಾಗಿ ಈ ಶಿಲೆ ಸಂಗ್ರಹಿಸಿಟ್ಟಿದ್ದ ಹಲವರಿಂದ ಸ್ಥಳೀಯರು ಖರೀದಿಸಿ ಅದನ್ನು ವಿದೇಶಕ್ಕೆ ಅಪಾರ ಬೆಲೆಗೆ ಮಾರಾಟ ಮಾಡಲಾಗುತ್ತಿದೆ ಎಂದು ತಿಳಿದು ಬಂದಿದೆ. ಆಕಾಶದಿಂದ ಬಿದ್ದ ಬಂಡೆಗಲ್ಲು ಇದೀಗ ಸಂಗ್ರಹಿಸಿದ ಜನರ ಮನೆ ಖಜಾನೆ ತುಂಬುತ್ತಿದೆ ಅಂದ್ರೆ ತಪ್ಪಿಲ್ಲ ಬಿಡಿ.
