ಅತಿಥಿ ಉಪನ್ಯಾಸಕರಿಗೆ ವೇತನ ಬಿಡುಗಡೆ, ಮಂದಹಾಸ ಬೀರಿದ ಉಪನ್ಯಾಸಕರು
ಬೆಂಗಳೂರುಃ ಅತಿಥಿ ಉಪನ್ಯಾಸಕರಿಗೆ ರಾಜ್ಯ ಸರ್ಕಾರ ಲಾಕ್ ಡೌನ್ ಅವಧಿಯ ವೇತನ ಬಿಡುಗಡೆ ಮಾಡಿದೆ. ಇದರಿಂದ ಅಥಿತಿ ಉಪನ್ಯಾಸಕರು ಕೊಂಚ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.
ರಾಜ್ಯದ ವಿವಿಧ ಪದವಿ ಕಾಲೇಜಿನಲ್ಲಿ ಅತಿಥಿ ಉಪನ್ಯಾಸಕರಾಗಿ ಕಾರ್ಯನಿರ್ವಹಿಸುತ್ತಿರುವವರಿಗೆ ಲಾಕ್ ಡೌನ್ ಅವಧಿಯ ವೇತನ ನೀಡಲು ಕಾಲೇಜು ಶಿಕ್ಷಣ ಇಲಾಖೆ 43.03 ಕೋಟಿ ಬಿಡುಗಡೆ ಮಾಡಿದೆ.
ಮಾರ್ಚ 2020 ರಿಂದ ಆಗಸ್ಟ್ ವರೆಗೆ ಸುಮಾರು 6 ತಿಂಗಳ ವರೆಗಿನ ಅವಧಿಯನ್ನು ಕರ್ತವ್ಯ ಅವಧಿ ಎಂದು ಪರಿಗಣಿಸಿ ಅಥಿತಿ ಉಪನ್ಯಾಸಕರಿಗೆ ವೇತನ ಪಾವತಿಸಲಿ ಸರ್ಕಾರ ಇಲಾಖೆಗೆ ಸೂಚಿಸಿದೆ ಎಂದು ಸಂಬಂಧಿಸಿದ ಇಲಾಖೆಯಿಂದ ಮಾಹಿತಿ ಲಭ್ಯವಾಗಿದೆ.
ಮಾಸಿಕ 13 ಸಾವಿರ ಸ್ನಾತಕೋತ್ತರ ಪದವಿ ಪೂರೈಸಿ ಕರ್ತವ್ಯ ನಿರ್ವಹಿಸುತ್ತಿರುವ ಉಪನ್ಯಾಸಕರಿಗೆ 11 ಸಾವಿರ ರಿ.ನೀಡಬೇಕೆಂದು ತಿಳಿಸಲಾಗಿದೆ. ವೇತನ ನೀಡುವಲ್ಲಿ ಪ್ರಾಂಶುಪಾಲರು ಹಿಂದೇಟು ಹಾಕಿದಲ್ಲಿ ಅಥವಾ ನಿಗದಿಪಡಿಸಿದ ಹಣದಲ್ಲಿ ಹೆಚ್ಚುಕಡಿಮೆ ನೀಡಿದ ದೂರುಗಳು ಬಂದಲ್ಲಿ ಸೂಕ್ತ ಕ್ರಮಕೈಗಿಳ್ಳಲಾಗುವದು ಎಂದು ಸರ್ಕಾರ ಎಚ್ಚರಿಸಿದೆ ಎಂದು ಹೇಳಲಾಗುತ್ತಿದೆ.
ಒಟ್ಟಾರೆ ಲಾಕ್ ಡೌನ್ ಅವಧಿ ವೇತನ ಸಮರ್ಪಕವಾಗಿ ಅತಿಥಿ ಉಪನ್ಯಾಸಕರಿಗೆ ತಲುಪಿದಲ್ಲಿ ಸಾರ್ಥಕವಾಗಲಿದೆ ಎಂದು ಹೆಸರು ಹೇಳಲು ಇಚ್ಛಿಸದ ಉಪನ್ಯಾಸಕರು ಒಬ್ಬರು ತಿಳಿಸಿದ್ದಾರೆ. ವೇತನ ಬಿಡುಗಡೆ ಮಾಡಿದ್ದರೆ ಒಳಿತು ಎಂದು ಮಂದಹಾಸ ಬೀರಿದ್ದಾರೆ.
