Whatsapp ಮತ್ತು Instragram ಆ್ಯಪ್ಗಳ ಹೆಸರು ಇಷ್ಟರಲ್ಲೇ ಬದಲಾವಣೆ ಆಗಲಿದೆ. Whatsappಗೆ Whatsapp from Facebook ಹಾಗೂ Instragramಗೆ Instragram from Facebook ಎಂದು ಮರುನಾಮಕರಣ ಮಾಡಲು ಫೇಸ್ಬುಕ್ ಸಂಸ್ಥಾಪಕ ಮಾರ್ಕ್ ಜುಕರ್ಬರ್ಗ್ ನಿರ್ಧರಿಸಿದ್ದಾರೆ ಎಂದು ತಿಳಿದು ಬಂದಿದೆ.
2012ರಲ್ಲಿ ಫೋಟೋ ಹಾಗೂ ವಿಡಿಯೋ ಶೇರಿಂಗ್ ಆ್ಯಪ್ನ್ನು Instragram ಹಾಗೂ 2014ರಲ್ಲಿ Whatsapp ನ್ನು Facebook ಸಂಸ್ಥೆ ತನ್ನದಾಗಿಸಿಕೊಂಡಿತ್ತು. ಬಳಿಕ ಇವೆರೆಡು ಆ್ಯಪ್ಗಳನ್ನ ಹೊಸ ಹೊಸ ಫೀಚರ್ಸ್ಗಳೊಂದಿಗೆ ಜನಮಾನಸದಲ್ಲಿ ಬೆರೆಯುವುಂತಾಗುವಲ್ಲಿ Facebook ಸಂಸ್ಥೆ ಶ್ರಮಿಸಿದೆ. ಆದರೆ, ಎಷ್ಟೋ ಜನರಿಗೆ ಈ ಆ್ಯಪ್ ಗಳಿಗೆ ಫೇಸ್ಬುಕ್ ಸಂಸ್ಥೆಯೇ ಯಜಮಾನ ಎಂಬುದು ತಿಳಿದಿಲ್ಲ. ಹೀಗಾಗಿ, ಈ ಎರಡೂ ಆ್ಯಪ್ ಗಳ ಹೆಸರಿನ ಜತೆ Facebook ಹೆಸರು ಸೇರಿಸಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.
