ಹೌದು ಹುಲಿಯಾ..ಹೆಸರಿನಲ್ಲಿ ತಲೆ ಎತ್ತಿದೆ ಹೊಟೇಲ್..!
ಬಾಗಲಕೋಟ್ಃ ಮೊನ್ನೆ ನಡೆದ ಉಪ ಚುನಾವಣೆ ಸಂದರ್ಭ ಮಾಜಿ ಸಿಎಂ ಸಿದ್ರಾಮಯ್ಯ ಪ್ರಚಾರ ಸಭೆಯೊಂದರಲ್ಲಿ ಮಾತನಾಡುವಾಗ ಅವರ ಅಭಿಮಾನಿ ಫಕೀರಪ್ಪ ಸಿದ್ರಾಮಯ್ಯನವರ ಭಾಷಣಕ್ಕೆ ಹೌದು ಹುಲಿಯಾ ಎಂದಿದ್ದ, ಈ ನುಡಿ ಸಖತ್ ವೈರಲ್ ಆಗಿದ್ದು, ನಾಡಿನಾದ್ಯಂತ ಸದ್ದು‌ಮಾಡಿದೆ.
ಇದೀಗ ಹೌದು ಹುಲಿಯಾ ಹವಾ ಎಷ್ಟಿದೆ ಅಂದರೆ ಹೌದು ಹುಲಿಯಾ ಹೆಸರಿನಲ್ಲಿ ಹೊಟೇಲ್ ಒಂದು ತಲೆ ಎತ್ತಿದೆ.
ಬೀಳಗಿ ಪಟ್ಟಣದಲ್ಲಿ ಹೌದು ಹುಲಿಯಾ..ಎಂಬ ಹೆಸರಿನ ಫಾಸ್ಟ್ ಫುಡ್ ಹೊಟೇಲ್ ತಲೆ ಎತ್ತಿದ್ದು ಮತ್ತಷ್ಟು ಆ ಡೈಲಾಗ್‌ ಗೆ ರಂಗು ಮೂಡಿಸಿದೆ.
ಬೀಳಗಿ ಪಟ್ಟಣದಲ್ಲಿ ಮಾರಿಕಾಂಬ ಜಾತ್ರಾ ಮಹೋತ್ಸವ ನಡೆಯುತ್ತಿದ್ದು, ಈ ಸಮಯದಲ್ಲಿ ಜಾತ್ರೆಯಲ್ಲಿ ಈ ಹೆಸರಿನ ಹೊಟೇಲ್ ತಲೆ ಎತ್ತಿದೆ.ಜಾತ್ರೆಯ ಫೆಬ್ರವರಿ 15 ರವರೆಗೆ ನಡೆಯಲಿದೆ ಅಲ್ಲಿವರೆಗೂ ಜಾತ್ರೆಗೆ ಆಗಮಿಸಿದ ಜನರ ಗಮನವನ್ನು ಈ ಹೌದು ಹುಲಿಯಾ ಹೊಟೇಲ್ ಸೆಳೆಯುವದಂತು ಗ್ಯಾರಂಟಿ.
