ಅವರವರೇ ಚಡ್ಡಿ ಬಿಚ್ಚಿಕೊಳ್ಳಲಿ – ಎಚ್ಡಿಕೆ ವಾಗ್ದಾಳಿ
ಜೆಡಿಎಸ್ ತೊರೆದವರಿಂದ ಪಕ್ಷ ನಾಶ
ಅಸಾಧ್ಯ – HDK
ಕಲ್ಬುರ್ಗಿಃ ಆರ್ ಎಸ್ ಎಸ್ ನ ಚಡ್ಡಿ ರಾಜಕಾರಣ ನಮಗೆ ಬೇಡ. ಸಿದ್ರಾಮಯ್ಯ ಮುಸ್ಲಿಂ ಮತಗಳ ಓಲೈಕೆಗೆ ಹಾಗೆಲ್ಲ ಮಾತಾಡ್ತಾರೆ. ಅವರವರ ಚಡ್ಡಿ ಅವರೇ ಬಿಚ್ಚಿಕೊಳ್ಳಲಿ ಜನರ ಚಡ್ಡಿ ಬಿಚ್ಚಲು ಬಾರದಿರಲಿ ಎಂದು ಮಾಜಿ ಸಿಎಂ ಎಚ್.ಡಿ.ಕುಮಾರ ಸ್ವಾಮಿ ಕಾಂಗ್ರೆಸ್ ಹಾಗೂ ಬಿಜೆಪಿಯವರನ್ನು ಈ ರೀತಿಯಾಗಿ ಟೀಕಿಸುವ ಮೂಲಕ ವಾಗ್ದಾಳಿ ನಡೆಸಿದರು.
ನಗರಕ್ಕೆ ಆಗಮಿಸಿದ್ದ ಅವರು ಮಾಧ್ಯಮದವರೊಂದಿಗೆ ಮಾತನಾಡಿ, ಚಡ್ಡಿ ಸುಟ್ಟು ಪ್ರತಿಭಟನೆಗೆ ಮುಂದಾಗಿದ್ದ ಕಾಂಗ್ರೆಸ್ ಕುರಿತು ಅವರು ಈ ರೀತಿಯಾಗಿ ಕುಟುಕಿದರು.
ಪಠ್ಯದ ಗೊಂದಲ ಕುರಿತು ಮಾತನಾಡಿದ ಅವರು, ಪಠ್ಯದಲ್ಲಿ ಒಂದಿಷ್ಟು ತಪ್ಪುಗಳಾಗಿರಬಹುದು ಅದು ಸಹಜ ಅವೆಲ್ಲವನ್ನು ತಿದ್ದುಪಡಿಗೊಳಿಸಲಾಗುವದು ಎಂದು ಸರ್ಕಾರ ಹೇಳಿದೆ.
ಆದರೂ ಮುಸ್ಲಿಂ ಮತ್ತು ದಲಿತರನ್ನು ಸರ್ಕಾರದ ವಿರುದ್ಧ ಎತ್ತಿ ಕಟ್ಟುವ ಮೂಲಕ ತಮ್ಮ ಬೇಳೆ ಬೇಯಿಸಿಕೊಳ್ಳಲು ಸಿದ್ರಾಮಯ್ಯ ನವರು ಪಠ್ಯ ಕುರಿತು ಸುಳ್ಳು ಆರೋಪ ಮಾಡುವ ಮೂಲಕ ಲಾಭ ಪಡೆಯುವ ಹುನ್ನಾರ ನಡೆಸಿದ್ದಾರೆ ಎಂದು ತಿಳಿಸಿದ ಅವರು, ಜೆಡಿಎಸ್ ತೊರೆದವರಿಂದ ನಮ್ಮ‌ಪಕ್ಷ ನಾಶ ಎಂಬುದು ಅಸಾಧ್ಯವಾದ ಮಾತು. ಜೆಡಿಎಸ್ ಎನು ಎಂಬುದು ಎಲ್ಲರಿಗೂ ಗೊತ್ತಿದೆ. ಪಕ್ಷ ಸಂಘಟನೆಗಾಗಿ ಒತ್ತು ನೀಡಲಾಗುತ್ತಿದೆ ಎಂದರು.
