ಸೀಮೆಬದನೆಕಾಯಿ ಅಗತ್ಯವಾದ ಜೀವಸತ್ವಗಳು ಮತ್ತು ಖನಿಜಗಳನ್ನು ಹೊಂದಿರುತ್ತದೆ. ಇದು ವಿಶೇಷವಾಗಿ ವಿಟಮಿನ್ ಸಿ ಯಿಂದ ಸಮೃದ್ಧವಾಗಿದೆ. ಇದು ಫೋಲೇಟ್ ಅನ್ನು ಹೊಂದಿದೆ (ಇದು ಕೋಶ ವಿಭಜನೆಗೆ ಮತ್ತು ಗರ್ಭಿಣಿ ಮಹಿಳೆಯರಿಗೆ ಒಳ್ಳೆಯದು), ವಿಟಮಿನ್ ಬಿ 6 ಮತ್ತು ವಿಟಮಿನ್ ಕೆ, ಖನಿಜಗಳಾದ ಪೊಟ್ಯಾಶಿಯಂ, ಮ್ಯಾಂಗನೀಸ್, ಸತು ಮತ್ತು ತಾಮ್ರಗಳು ಸಹ ಈ ಸೀಮೆಬದನೆಕಾಯಿಯಲ್ಲಿ ಕಂಡುಬರುತ್ತವೆ. ಆಂಟಿಆಕ್ಸಿಡೆಂಟ್ ಸಮೃದ್ಧವಾಗಿದೆ
ಸೀಮೆಬದನೆಕಾಯಿಯಲ್ಲಿ ಆಂಟಿಆಕ್ಸಿಡೆಂಟ್ ಸಮೃದ್ಧವಾಗಿದ್ದು, ಇದು ಉರಿಯೂತ, ಕ್ಯಾನ್ಸರ್ ಮತ್ತು ಕೀಲು ನೋವುಗಳಂತಹ ಕಾಯಿಲೆಗಳನ್ನು ಗುಣಪಡಿಸುತ್ತದೆ. ಕ್ವೆರ್ಸೆಟಿನ್, ಮೈರಿಸೆಟಿನ್, ಮೊರಿನ್ ಮತ್ತು ಕ್ಯಾಂಪ್ಫೆರಾಲ್ ಸೀಮೆಬದನೆಕಾಯಿಯಲ್ಲಿ ರುವ ಆಂಟಿಆಕ್ಸಿಡೆಂಟ್’ಗಳಾಗಿವೆ. ಇವು ಜೀವಕೋಶಕ್ಕೆ ಸಂಬಂಧಿಸಿದ ಹಾನಿಯನ್ನು ತಡೆಯುವುದಲ್ಲದೆ, ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುವ ಮೂಲಕ ಟೈಪ್ 2 ಮಧುಮೇಹವನ್ನು ತಡೆಯುತ್ತದೆ. ಕರುಳನ್ನು ಆರೋಗ್ಯವಾಗಿರಿಸುತ್ತದೆ ಈ ಸೀಮೆಬದನೆಕಾಯಿಯಲ್ಲಿ ಫೈಬರ್-ಸಮೃದ್ಧವಾಗಿದೆ. ಇದು ನಿಮ್ಮ ಕರುಳನ್ನು ಆರೋಗ್ಯವಾಗಿರಿಸುತ್ತದೆ. ಇದು ಫ್ಯಾಟಿ ಲಿವರ್ ಕಾಯಿಲೆಯನ್ನು ತಡೆಗಟ್ಟುತ್ತದೆ. ಏಕೆಂದರೆ ಇದು ಯಕೃತ್ತಿನ ಆರೋಗ್ಯದೊಂದಿಗೆ ನಿಕಟ ಸಂಬಂಧ ಹೊಂದಿದೆ.
ಹೃದಯದ ಆರೋಗ್ಯಕ್ಕೆ ಒಳ್ಳೆಯದು ಸೀಮೆಬದನೆಕಾಯಿಯಲ್ಲಿನ ಆಂಟಿಆಕ್ಸಿಡೆಂಟ್’ಗಳು ಮತ್ತು ಫ್ಲೇವನಾಯ್ಡ್‌’ಗಳ ಉಪಸ್ಥಿತಿಯು ಹೃದಯಕ್ಕೆ ಹಾನಿ ಉಂಟಾಗದಂತೆ ಸಹಾಯ ಮಾಡುತ್ತವೆ. ವಾಸ್ತವವಾಗಿ, ಈ ಆರೋಗ್ಯಕರ ಸಂಯುಕ್ತಗಳ ಉಪಸ್ಥಿತಿಯು ಹೃದಯ ಸಂಬಂಧಿ ಕಾಯಿಲೆಗಳಿಗೆ ಕಾರಣವಾಗುವ ಆಕ್ಸಿಡೇಟಿವ್ ಒತ್ತಡದ ವಿರುದ್ಧ ಹೋರಾಡುತ್ತದೆ. ಇದು ಹೃದಯದಲ್ಲಿನ ರಕ್ತ ಪರಿಚಲನೆಯನ್ನು ಉತ್ತೇಜಿಸುತ್ತದೆ. ಏತನ್ಮಧ್ಯೆ, ಪೊಟ್ಯಾಶಿಯಂ ಇರುವಿಕೆಯು ರಕ್ತದೊತ್ತಡ ಮತ್ತು ಹೃದಯದ ಆರೋಗ್ಯಕರ ಕಾರ್ಯವನ್ನು ನಿರ್ವಹಿಸಲು ಸಹಾಯ ಮಾಡುತ್ತದೆ. ಹೀಗಾಗಿ, ಸೀಮೆಬದನೆಕಾಯಿ ಹೃದಯದ ರಕ್ಷಕ ಎಂದು ತಿಳಿದುಬಂದಿದೆ.ತೂಕ ನಷ್ಟಕ್ಕೆ ಸಹಕಾರಿ ತೂಕ ನಷ್ಟದ ವಿಷಯ ಬಂದಾಗ ಉತ್ತಮ ಮತ್ತು ಆರೋಗ್ಯಕರ ಆಹಾರವನ್ನು ಅನುಸರಿಸುವುದು ಬಹಳ ಮುಖ್ಯ. ಈ ಆರೋಗ್ಯಕರ ತರಕಾರಿಯಲ್ಲಿರುವ ಉನ್ನತ ಮಟ್ಟದ ಆರ್ಧ್ರಕ ಮತ್ತು ನಾರು ತೂಕವನ್ನು ಕಡಿಮೆ ಮಾಡಲು ಅತ್ಯಂತ ಪ್ರಯೋಜನಕಾರಿಯಾಗಿದೆ. ನೀವು ಸೀಮೆಬದನೆಕಾಯಿ ಸೇವಿಸಿದಾಗ, ಅದು ಹೆಚ್ಚು ಸಮಯದವರೆಗೆ ನಿಮ್ಮ ಹೊಟ್ಟೆ ಪೂರ್ಣವಾಗಿಡಲು ಸಹಾಯ ಮಾಡುತ್ತದೆ, ಇದರಿಂದಾಗಿ ಅತಿಯಾಗಿ ತಿನ್ನುವುದು ತಪ್ಪುತ್ತದೆ ಮತ್ತು ಇದು ತೂಕ ಇಳಿಸುವ ಪ್ರಕ್ರಿಯೆಯಲ್ಲಿ ಸಹಕಾರಿಯಾಗುತ್ತದೆ.
ಆದ್ದರಿಂದ ಸೀಮೆಬದನೆಕಾಯಿ ನಿಮ್ಮ ತೂಕ ಇಳಿಸುವ ಸ್ನೇಹಿತನಾಗಿದ್ದಾನೆ.ರಕ್ತದಲ್ಲಿ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ ಸೀಮೆಬದನೆಕಾಯಿಯಲ್ಲಿ ಕಾರ್ಬ್ಸ್ ಕಡಿಮೆ ಮತ್ತು ಕರಗಬಲ್ಲ ನಾರಿನಂಶ ಹೆಚ್ಚಿದೆ. ಈ ಸಂಯೋಜನೆಯು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಕರಗಬಲ್ಲ ನಾರಿನ ಉಪಸ್ಥಿತಿಯು ಕಾರ್ಬ್ಸ್ ಜೀರ್ಣಕ್ರಿಯೆ ಮತ್ತು ಹೀರಿಕೊಳ್ಳುವ ಪ್ರಕ್ರಿಯೆಯನ್ನು ವಿಳಂಬಗೊಳಿಸುತ್ತದೆ.
ಇದು ಊಟದ ನಂತರ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಸೀಮೆಬದನೆಕಾಯಿಯಲ್ಲಿರುವ ಕೆಲವು ಅಗತ್ಯ ಸಂಯುಕ್ತಗಳ ಉಪಸ್ಥಿತಿಯು ರಕ್ತದಲ್ಲಿನ ಸಕ್ಕರೆ ನಿಯಂತ್ರಣ ಮತ್ತು ಟೈಪ್ 2 ಡಯಾಬಿಟಿಸ್‌ಗೆ ಸಂಬಂಧಿಸಿದ ಕಿಣ್ವಗಳ ಚಟುವಟಿಕೆಯನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ, ನೀವು ಯಾವುದೇ ಹಿಂಜರಿಕೆಯಿಲ್ಲದೆ ನಿಮ್ಮ ಆಹಾರದಲ್ಲಿ ಸೀಮೆಬದನೆಕಾಯಿ ಅನ್ನು ಸೇರಿಸಬಹುದು. ಸುರಕ್ಷಿತ ಗರ್ಭಧಾರಣೆಗೆ ಸಹಾಯ ಮಾಡುತ್ತದೆ ಸೀಮೆಬದನೆಕಾಯಿಯಲ್ಲಿರುವ ಫೋಲೇಟ್ ಅಥವಾ ವಿಟಮಿನ್ ಬಿ 9 ಸಹಾಯದಿಂದ, ಮೊದಲೇ ಹೇಳಿದಂತೆ ಗರ್ಭಧಾರಣೆಯ ಮೊದಲು ಮತ್ತು ನಂತರ ಇದು ಪ್ರಮುಖ ಪಾತ್ರ ವಹಿಸುತ್ತದೆ. ಇದು ಭ್ರೂಣದ ಮೆದುಳು ಮತ್ತು ಬೆನ್ನುಹುರಿಯ ಆರೋಗ್ಯಕರ ಬೆಳವಣಿಗೆಗೆ ಸಹಕಾರಿಯಾಗುತ್ತದೆ ಮತ್ತು ಇದರಿಂದಾಗಿ ಅವಧಿ ಪೂರ್ವ ಮಗು ಹುಟ್ಟುವ ಸಾಧ್ಯತೆ ಕಡಿಮೆಯಾಗುತ್ತದೆ.ಕ್ಯಾನ್ಸರ್ ತಡೆಗಟ್ಟುತ್ತದೆ ಅಧ್ಯಯನದ ಪ್ರಕಾರ ಲ್ಯುಕೇಮಿಯಾ ಮತ್ತು ಗರ್ಭಕಂಠದ ಕ್ಯಾನ್ಸರ್’ನಂತಹ ಕೆಲವು ಕ್ಯಾನ್ಸರ್ ಕೋಶಗಳ ಬೆಳವಣಿಗೆಯನ್ನು ನಿಧಾನಗೊಳಿಸುವ ಅಗತ್ಯವಾದ ಪೋಷಕಾಂಶಗಳನ್ನು ಸೀಮೆಬದನೆಕಾಯಿ ಹೊಂದಿದೆ.
