ಮಿಸಸ್ ಡಿಲಿಜೆಂಟ್ ಆಗಿ ಶಿರವಾಳ ಶಿಕ್ಷಕಿ ಅನುಪಮಾ ಆಯ್ಕೆ

ಮಿಸಸ್ ಡಿಲಿಜೆಂಟ್ ಆಗಿ ಶಿರವಾಳ ಶಿಕ್ಷಕಿ ಅನುಪಮಾ ಆಯ್ಕೆ

ಮಿಸೆಸ್ ಇಂಡಿಯಾ-2022 ಸ್ಪರ್ಧೆಯಲ್ಲಿ ಶಿರವಾಳ ಅನುಪಮಾಗೆ ಡಿಲಿಜೆಂಟ್ ಪ್ರಶಸ್ತಿ

yadgiri, ಶಹಾಪುರಃ ಪ್ರತಿಷ್ಠಿತ ವಿಪಿಆರ್ ಎಂಟರ್‍ಟೈನ್‍ಮೆಂಟ್ ಪ್ರೈವೇಟ್ ಲಿಮಿಟೆಡ್ ಗುಜರಾತಿನ ಅಹಮದಾಬಾದ್‍ನಲ್ಲಿ ಆಯೋಜಿಸಿದ್ದ ಮಿಸೆಸ್ ಇಂಡಿಯಾ-2022 ಸೌಂದರ್ಯ ಸ್ಫರ್ಧೆಯಲ್ಲಿ ತಾಲೂಕಿನ ಶಿರವಾಳ ಗ್ರಾಮದ ಸರ್ಕಾರಿ ಪ್ರೌಢ ಶಾಲೆಯ ಶಿಕ್ಷಕಿ ಅನುಪಮಾ ಆರ್. ಶಿವಕುಮಾರ ಮಿಸಸ್ ಡಿಲಿಜೆಂಟ್ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ.

ಗುಜರಾತ್‍ನ ಅಹಮದಾಬಾದ್‍ನಲ್ಲಿ ಹೋಟೆಲ್ ಪ್ರೈಡ್ ಪ್ಲಾಜಾದಲ್ಲಿ ಈ ಸ್ಫರ್ಧೆ ಆಯೋಜಿಸಲಾಗಿದ್ದು, ಸುಮಾರು 800 ಕ್ಕೂ ಅಧಿಕ ಸ್ಫರ್ಧಿಗಳು ದೇಶದ ವಿವಿದೆಡೆಯಿಂದ ಸ್ಫರ್ಧಿಗಳು ಭಾಗವಹಿಸಿದ್ದರು. ಅಂತಿಮ ಸುತ್ತಿನಲ್ಲಿ ಕೇವಲ 39 ಸ್ಫರ್ಧಿಗಳು ಆಯ್ಕೆಯಾಗಿದ್ದು, ತಾಲೂಕಿನ ಶಿರವಾಳ ಗ್ರಾಮದ ಸರ್ಕಾರಿ ಪ್ರೌಢ ಶಾಲೆಯ ಶಿಕ್ಷಕಿ ಅದರಲ್ಲಿ ಪ್ರಥಮವಾಗಿ ಆಯ್ಕೆಯಾಗುವ ಮೂಲಕ ಮಿಸಸ್ ಡಿಲಿಜೆಂಟ್ ಇಂಡಿಯಾದ ಗೌರವ ಕಿರೀಟ ತನ್ನದಾಗಿಸಿಕೊಂಡಿದ್ದಾರೆ.

ವಿಟಿಆರ್ ಎಂಟರ್‍ಟೈನ್‍ಮೆಂಟ್ ಪ್ರೈವೇಟ್ ಲಿಮಿಟೆಡ್ ಕಂಪನಿಯು 3 ತಿಂಗಳ ಹಿಂದೆಯೇ ಈ ಎಲ್ಲಾ ಸ್ಫರ್ಧಿಗಳಿಗೆ ಯೋಗ, ಆಹಾರ ಪದ್ದತಿ, ವ್ಯಾಯಾಮ, ಧ್ಯಾನ, ತತ್ವಶಾಸ್ತ್ರ ಇತ್ಯಾದಿ ತರಬೇತಿ ನೀಡಿದ್ದರು.

ಇಂತಹ ಸೌಂದರ್ಯ ಸ್ಪರ್ಧೆಯಲ್ಲಿ ಭಾಗವಹಿಸಬೇಕೆಂಬುದು ನನ್ನ ಕನಸಾಗಿತ್ತು. ಅದು ನನಸಾಗಿದೆ. ಸ್ಪರ್ಧಾ ವಿಜೇತರಿಗೆ ಕಂಪನಿಯು “ಮಿಸಸ್ ಡಿಲಿಜೆಂಟ್” ಎಂಬ ಬಿರುದು ನೀಡಿ ಗೌರವಿಸಿದೆ. ಸಂದರ್ಶನ, ರ್ಯಾಂಪ್ ನಡಿಗೆ, ಮೇಕಪ್, ವಾಕ್ ಚಾತುರ್ಯ ಇತ್ಯಾದಿ ಪ್ರತಿಭೆಗಳನ್ನು ಸಹ ಸ್ಫರ್ಧೆಯಲ್ಲಿ ಪರೀಕ್ಷಿಸಲಾಯಿತು. ಹಾಗೂ ವಿದ್ಯಾ ಕಬ್ರಾ, ವಿಜಯಾ ಕಬ್ರಾ ಅವರು ಈ ಕಂಪನಿಯ ರಾಯಭಾರಿಗಳಾಗಿದ್ದರು. ಸ್ಪರ್ಧೆಯಲ್ಲಿ ಮಿಸಸ್ ಡಿಲಿಜೆಂಟ್ ಪ್ರಶಸ್ತಿ ಲಭ್ಯವಾಗಿರುವದು ಸಂತಸ ತಂದಿದೆ.

-ಅನುಪಮಾ ಶಿವಕುಮಾರ. ಮಿಸಸ್ ಡಿಲಿಜೆಂಟ್ ಪ್ರಶಸ್ತಿ ಪುರಸ್ಕøತ ಶಿಕ್ಷಕಿ.