ಶಹಾಪುರದಲ್ಲಿ ಚಾಮುಂಡಿ ದಸರಾ ಉತ್ಸವ: ಅ.19 ರಂದು ಮೆರವಣಿಗೆ 20 ರಂದು ಕುಸ್ತಿ
ಶಹಾಪುರದಲ್ಲಿ ಚಾಮುಂಡಿ ದಸರಾ ಮಹೋತ್ಸವ
ಚಾಮುಂಡಿ ದಸರಾ ಉತ್ಸವ: ಅ.19 ರಂದು ಮೆರವಣಿಗೆ 20 ರಂದು ಕುಸ್ತಿ
ವಿನಯವಾಣಿ
ಯಾದಗಿರಿ,ಶಹಾಪುರ: ನಗರದ ಚಾಮುಂಡೇಶ್ವರಿ ದೇವಸ್ಥಾನದಲ್ಲಿ ನವರಾತ್ರಿ ಉತ್ಸವ ಅಂಗವಾಗಿ ಶ್ರೀ ಚಾಮುಂಡೇಶ್ವರಿ ಭಾವಚಿತ್ರ ಮೆರವಣಿಗೆಯು ಇದೇ ಅ.19 ರಂದು ಶ್ರೀ ಚಾಮುಂಡಿ ಸನ್ನಿಧಿಯಿಂದ ಬೆಳಗ್ಗೆ 11 ಗಂಟೆಗೆ ಡೊಳ್ಳು ವಿವಿಧ ವಾದ್ಯಗಳೊಂದಿಗೆ ಪ್ರತಿ ವರ್ಷದಂತೆ ನಗರದ ಪ್ರಮುಖ ಬೀದಿಗಳ ಮೂಲಕ ದೇವಿ ಭಾವಚಿತ್ರದೊಂದಿಗೆ ಮೆರವಣಿಗೆ ಆರಂಭವಾಗಿ ಸಂಜೆ ಮೂಲ ದೇವಸ್ಥಾನ ತಲುಪಲಿದೆ.
ನಂತರ ದೇವಸ್ಥಾನದಲ್ಲಿ ವಿಧಿ ವಿಧಾನ ಪ್ರಕಾರ ಧಾರ್ಮಿಕ ಕಾರ್ಯಕ್ರಮಗಳು ಜರುಗಲಿವೆ. ಭಕ್ತಾಧಿಗಳಿಂದ ಶ್ರೀದೇವಿಗೆ ಉಡಿ ತುಂಬುವ ಕಾರ್ಯಕ್ರಮ ನಡೆಯಲಿದೆ. ಬೆಳಗಿನ ಜಾವದವರೆಗೆ ಶಾಸ್ತ್ರೋಕ್ತ ಧಾರ್ಮಕ‌ಪದ್ಧತಿ ಆರಾಧನೆ ನಡೆಯಲಿದ್ದು, ಅ. 20 ರಂದು ಪ್ರಸಾದ ವ್ಯವಸ್ಥೆ ಮಾಡಲಾಗಿದೆ. ಮದ್ಯಾಹ್ನ 3 ಗಂಟೆಗೆ ಕುಸ್ತಿ ಪಂದ್ಯಾಟ ಏರ್ಪಡಿಸಲಾಗಿದ್ದು, ಭಕ್ತಾಧಿಗಳು ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ಯಶಸ್ವಿಗೊಳಿಸುವ ಮೂಲಕ ಚಾಮುಂಡಿ ತಾಯಿ ಕೃಪೆಗೆ ಪಾತ್ರರಾಗಬೇಕೆಂದು ಶ್ರೀ ಚಾಮುಂಡೇಶ್ವರಿ ಸೇವಾ ಸಮಿತಿ ಪ್ರಕಟಣೆಯಲ್ಲಿ ತಿಳಿಸಿದೆ.
