ಆಧುನಿಕ ಶೋಕಿಗೆ ಬಿದ್ದು ಹಾಳಾಗದಿರಿ ಸಾಹಿತಿ ಹೊನ್ಕಲ್ ಕಿವಿ ಮಾತು

ಆಧುನಿಕ ಶೋಕಿಗೆ ಬಿದ್ದು ಹಾಳಾಗದಿರಿ ಸಾಹಿತಿ ಹೊನ್ಕಲ್ ಕಿವಿ ಮಾತು

ಸ್ನೇಹ ಎಂಬುದು ಪವಿತ್ರ ಬಂಧ – ಹೊನ್ಕಲ್

ಸ್ನೇಹ ಸಮ್ಮೇಳನದಲ್ಲಿ ಸರಿಗಮಪ ಸಿಂಗರ್ ಸುನೀಲ್ ಕಮಾಲ್ ಹಂಗಾಮ

ವಿನಯವಾಣಿ ವಾರ್ತೆ
ಶಹಾಪುರ: ಪ್ರಸ್ತುತ ದಿನಗಳಲ್ಲಿ ವಿದ್ಯಾರ್ಥಿಗಳು ಆಧುನಿಕ ಪಾಶ್ಚಾತ್ಯ ದೇಶದ ಅನುಕರಣೆಗೆ ಬಿದ್ದು ಬದುಕು ಹಾಳು ಮಾಡಿಕೊಳ್ಳುತ್ತಿದ್ದರು, ವಿದ್ಯಾರ್ಥಿಗಳು ಎಚ್ಚರಿಕೆಯಿಂದ ಸುಂದರ ಬದುಕು ಹಾಳು ಮಾಡಿಕೊಳ್ಳಬಾರದೆಂದು ಖ್ಯಾತ ಸಾಹಿತಿ ಸಿದ್ಧರಾಮ ಹೊನ್ಕಲ್ ಕಿವಿ ಮಾತು ಹೇಳಿದರು.

ನಗರದ ಪ್ರಜ್ಞಾಪೂರ್ವ ಮತ್ತು ಪದವಿ ಮಹಾವಿದ್ಯಾಲಯದ ಆವರಣದಲ್ಲಿ ನಡೆದ ಸ್ನೇಹ ಸಮ್ಮೇಳನ, ಪ್ರಥಮ ವರ್ಷದ ನಂತರ ಸ್ವಾಗತ ಹಾಗೂ ಅಂತಿಮ ವರ್ಷದವರಿಗೆ ಬೀಳ್ಕೊಡುಗೆ ಮತ್ತು ಸಾಂಸ್ಕೃತಿಕ ಸಮಾರಂಭದಲ್ಲಿ ಅವರು ಭಾಗವಹಿಸಿದ್ದರು.

ಬೆಳೆಯುವ ಸಿರಿ ಮೊಳಕೆಯಲ್ಲಿಯೇ ಒಡೆದಂತೆ ಬದುಕು ದುರಂತವಾಗಿ ಅಂತ್ಯಗೊಳ್ಳುತ್ತಿರುವ ದಿನ ನಿತ್ಯ ಪತ್ರಿಕೆಯಲ್ಲಿ ದೃಶ್ಯ ಮಾಧ್ಯಮಗಳಲ್ಲಿ ನೋಡುತ್ತೇವೆ. ಪಿಯುಸಿಯಿಂದ ಪದವಿ ಅಭ್ಯಾಸ ಮಾಡುವಾಗ ಸ್ನೇಹ ಅದು ಪವಿತ್ರ ಬಂಧ. ಉತ್ತಮ ಸ್ನೇಹಿತರನ್ನು ಹೊಂದಿ, ಚನ್ನಾಗಿ ಓದಿ ಮುಂದಿನ ಭವಿಷ್ಯ ರೂಪಿಸಿಕೊಳ್ಳಬೇಕು. ವಯಸ್ಸಿನಲ್ಲಿ ಮನಸ್ಸು ಚಂಚಲಗೊಳ್ಳುವುದು ಸಹಜ ಆದರೆ ಭವಿಷ್ಯದ ಹಿತದೃಷ್ಟಿ ಗಮನದಲ್ಲಿಟ್ಟುಕೊಂಡು ಕಷ್ಟಪಟ್ಟು ಓದುತ್ತಿರುವ ಹೆತ್ತವರನ್ನು ಸ್ಮರಿಸಿಕೊಂಡು ಕಾಲೇಜಿಗೂ ಹಾಗೂ ಹೆತ್ತವರಿಗೂ ಕೀರ್ತಿ ತರುವಂಥ ಕೆಲಸ ಮಾಡಬೇಕೆಂದರು.
ಅರ್ಥಶಾಸ್ತ್ರ ಪ್ರಾಧ್ಯಾಪಕ ಹೊನ್ನಪ್ಪ ಎಂ.ಪಿ. ಅವರು ಮಾತನಾಡಿ, ಹಲವು ನಿದರ್ಶನ, ಕಥೆಗಳ ಮೂಲಕ ಮನಮುಟ್ಟುವಂತೆ ಉಪನ್ಯಾಸ ಮಾಡಿ.
ಕಾರ್ಯಕ್ರಮ ಉದ್ಘಾಟಿಸಿದ ದ್ರಾಕ್ಷಾಯಿಣಿ ಎಸ್.ಪಾಟೀಲ್ ಶಿರವಾಳ ಮಾತನಾಡಿ ಸಂಸ್ಕಾರ ಮುಖ್ಯ, ಗುರುಹಿರಿಯರು, ಹೆತ್ತವರನ್ನು ಗೌರವಿಸಬೇಕು. ಸಂಸ್ಕೃತಿ ಸಂಸ್ಕಾರ ನಮ್ಮ ದೇಶದ ಅಸ್ತಿತ್ವ. ಅದನ್ನು ಬಾಲ್ಯದಿಂದಲೇ ಸ್ವೀಕರಿಸಿದಾಗ ಉತ್ತಮ ವ್ಯಕ್ತಿತ್ವವು ರೂಪುಗೊಳ್ಳುತ್ತದೆ.
ಕಾರ್ಯಕ್ರಮದಲ್ಲಿ ಸರಿಗಮಪ ವಿಜೇತ ಸುನೀಲ್ ತಮ್ಮ ಗಾಯನದ ಮೂಲಕ ರಂಜಿಸುವಲ್ಲಿ ಯಶಸ್ವಿಯಾದರು. ಸಿಂಗರ್ ಸುನೀಲ್ ಹಾಡಿಗೆ ವಿದ್ಯಾರ್ಥಿಗಳ ಹೆಜ್ಜೆ ಹಾಕಿ ಖುಷಿ ಪಟ್ಟರು.
ವೇದಿಕೆ ಮೇಲೆ ಉಪನ್ಯಾಸಕ ಹಣಮಂತ್ರಾಯಗೌಡ ಅಳ್ಳಳ್ಳಿ, ಭೀ.ಗುಡಿ ಸಪಪು ಪ್ರಾಂಶುಪಾಲ ದೇವಿಂದ್ರಪ್ಪ ಮಡಿವಾಳಕರ್, ಹಿರಿಯ ಪತ್ರಕರ್ತ ಮಲ್ಲಿಕಾರ್ಜುನ ಮುದ್ನೂರ, ಭಾಗಣ್ಣ ಕೊಟ್ರಿ, ಸಂತೋಷ ಜುನ್ನಾ, ಪರಶುರಾಮ ಹೊಸಮನಿ, ಶರಣು ದೋರನಹಳ್ಳಿ. ಇದೇ ಸಂದರ್ಭದಲ್ಲಿ ವಿಶೇಷವಾಗಿ ರವೀಂದ್ರನಾಥ ಹೊಸಮನಿ ಮತ್ತು ಭೀಮಣ್ಣ ಅಂಚೆಸೂಗೂರ ಇವರನ್ನು ಸನ್ಮಾನಿಸಿ ಗೌರವಿಸಲಾಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬಡ್ತಿ ಸಂಸ್ಥೆಯ ಅಧ್ಯಕ್ಷರಾದ ಚಿದಾನಂದ ಅವರು ವಹಿಸಿದ್ದರು. ಜೊತೆಗೆ ಹೊನ್ಕಲ್‌ ಕುಟುಂಬದಿಂದ ಪದವಿ ಅಂತಿಮ ವರ್ಷದ ಉತ್ತಮ ಅಂಕಗಳನ್ನು ಗಳಿಸಿದ ವಿದ್ಯಾರ್ಥಿನಿ ದೇವಮ್ಮ ಇಬ್ಬರಿಗೆ 10 ಸಾವಿರ ರೂಪಾಯಿ ಚಕ್ ನೀಡಿ ಗೌರವಿಸಲಾಯಿತು. ನಂತರ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು.