ಶಿವಣ್ಣ ಒಬ್ರೆ ಇದ್ದಾಗ ಎನ್ಮಾಡ್ತಾರೆ ಗೊತ್ತಾ.? ಭಜರಂಗಿ-2 ರಿಲೀಸ್ ಸಂದರ್ಭ ಮಾತು
ವಿವಿ ಡೆಸ್ಕ್ಃ ಕನ್ನಡ ಚಿತ್ರರಂಗದ ಸೌಮ್ಯ, ಸೌಜನ್ಯಯುತ ಹಿರಿಯ ನಟರಲ್ಲಿ ಶಿವರಾಜಕುಮಾರ ಪ್ರಮುಖರು. ಇಂದು ಅವರ ಭಜರಂಗಿ-2 ಚಿತ್ರ ಭರ್ಜರಿಯಾಗಿ ಬಿಡುಗಡೆಗೊಳ್ಳುತ್ತಿದ್ದು, ಈ ಸಂದರ್ಭದಲ್ಲಿ ಖಾಸಗಿ ಚಾನಲ್‌ವೊಂದರಲ್ಲಿ ನಡೆದ ಸಂದರ್ಶನದಲ್ಲಿ ಶಿವಣ್ಣ ಹಲವಾರು ಪ್ರಮುಖ ವಿಚಾರಗಳನ್ನು ಅವರು ಹಂಚಿಕೊಂಡಿದ್ದಾರೆ.
ಸಂದರ್ಶಕಿ ಶಿವಣ್ಣ ಅವರು ಒಬ್ರೆ ಇದ್ದಾಗ ಏನ್ಮಾಡ್ತಾರೆ ಎಂಬ ಕುತುಹಲದ ಪ್ರಶ್ನೆಗೆ ಉತ್ತರಿಸಿದ ಅವರು, ಪ್ರಸ್ತುತ ನಾನಾಗಿರುವ ಜಾಗದಲ್ಲಿ ಕಾಣುವ ದೃಶ್ಯಗಳನ್ನು ವೀಕ್ಷಿಸುತ್ತೇನೆ. ಮಿಗಿಲಾಗಿ ನಾನು ನನ್ನಿಷ್ಟದ ಹಿಂದಿ ಹಾಡುಗಳನ್ನು ಆಲಿಸುತ್ತೇನೆ ಮತ್ತು ಹಾಡುತ್ತಿರುತ್ತೇನೆ ಎಂದು ತಿಳಿಸಿದರು.
ಅಲ್ಲದೆ ಸಂದರ್ಶಕಿ ಎದುರು ಕಭಿ ಕಭಿ ಮೇರೆ ದಿಲ್‌ ಮೇ ಖಯಾಲ್ ಆಪಕಾ ಆಥಾ ಹೈ..ಎಂದು ಮಧುರವಾಗಿ ಹಾಡುವ ಮೂಲಕ ಶಿವಣ್ಣ ಅಭಿಮಾನಿಗಳ ಸಂಚಲನ ಮೂಡಿಸಿದರು.
ಹಿಂದಿ ಹಾಡೊಂದು ಇಷ್ಟೊಂದು ಸುಮಧುರವಾಗಿ ಹಾಡ್ತಾರೆ ಎಂಬುದೇ ಅಭಿಮಾನಿಗಳಲ್ಲಿ ಖುಷಿ ತಂದಿರುವದು.
ಅವರ ನೆಚ್ಚಿನ ನಟರ ಹಾಬಿಗೆ ಅವರ ಧ್ವನಿಗೆ ಅಭಿಮಾನಿ ಬಳಗ ಮೆಚ್ವುಗೆ ವ್ಯಕ್ತಪಡಿಸಿದ್ದು, ಶಿವಣ್ಣಗೆ ಶಿವಣ್ಣನೇ ಸಾಟಿ ಎಂದು ಸಂಭ್ರಮಿಸುತ್ತಿದ್ದಾರೆ. ಹಲವು ವರ್ಷಗಳಾದ ಮೇಲೆ ನೇರವಾಗಿ ಲೈವ್ ಆಗಿ ಶಿವಣ್ಣ ಹಾಡಿರುವ ಹಿಂದಿ ಹಾಡು ಇದೀಗ ಫುಲ್ ವೈರಲ್ ಆಗ್ತಿದೆ.
ಶಿವಣ್ಣನ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಕಲೆಗೆ ತಲೆಬಾಗಿ ಸಂತಸ ಹಂಚಿಕೊಳ್ಳುತ್ತಿದ್ದಾರೆ.
ಇಂದು ಕರ್ನಾಟಕದಾದ್ಯಂತ ಭಜರಂಗಿ-2 ರಿಲೀಸ್. ಬೆಂಗಳೂರ ಸಿನಿಮಾ ಥೇಟರ್ ನಲ್ಲಿ ಬೆಳ್ಳಂ ಬೆಳಗ್ಗೆ 5 ಗಂಟೆಗೆ ಶೋ ಶುರುವಾಗಿದೆ. ಭರ್ಜರಿಯಾಗಿ ಎಂಟ್ರಿ ಕೊಟ್ಟ ಭಜರಂಗಿ ಕುರಿತು ಅಭಿಮಾನಿಗಳು ಮತ್ತು ವೀಕ್ಷಕರಿಂದ ಶಹಭಾಷಗಿರಿ ಬರುವುದೇ ಸಂಜೆವರೆಗೂ ಕಾದು ನೋಡಬೇಕು.
