ವಿಶ್ವ ಮಾನವ
ಜ್ಞಾನದಾ ಅರಿವನ್ನು
ಭಕ್ತಿಯ ಸೆಲೆಯಿಂದ
ಮಾನವೀಯ ಮೌಲ್ಯವ
ಆಧ್ಯಾತ್ಮದಿಂದ ಬೆಳೆಗಿದ
ದಿವ್ಯಜ್ಯೋತಿ ಸ್ವಾಮಿ ವಿವೇಕಾನಂದ.
ಭೋಗಭಾಗ್ಯವನ್ನೆಲ್ಲ ತೊರೆದು
ಧ್ಯಾನ ಯೋಗದಲ್ಲಿ ಬೆರೆತು
ಸತ್ಯ ಜೀವನದ ಅರ್ಥವ ತಿಳಿಸಿ
ಕರುಣೆಯ ಕಡಲಾಗಿ ಜಗತ್ತನ್ನೆ ಪ್ರೀತಿಸಿದ
ಮಹಾಯೋಗಿ ಸ್ವಾಮಿ ವಿವೇಕಾನಂದ
||ಪ||
ಸನಾತನ ಸಂಸ್ಕೃತಿಯ ಕಲೆಯನ್ನು
ಧರ್ಮ ಅಲೆಯಿಂದ
ಮನುಷ್ಯತ್ವದ ಬೆಲೆಯನ್ನು
ದೈವತ್ವದ ಶಿಲೆಯಿಂದ ಕೆತ್ತಿದ
ವೀರ ಸನ್ಯಾಸಿ ಸ್ವಾಮಿ ವಿವೇಕಾನಂದ ||ಪ||
ಮೇಲು ಕೀಳೆಂಬುದೇ ಅಂಧಕಾರ
ಮಮತೆಯೇ ಮಾನವನ ಕುಲವೆಂದ ಹರಿಕಾರ
ಶಿಕ್ಷಣವೇ ಆತ್ಮಶ್ರಧ್ದೆಯ ಬ್ರಹ್ಮಜ್ಞಾನವೆಂದು
ನವಭಾರತದ ಕನಸುಕಂಡವರು
ಯುಗದ ಪ್ರವರ್ತಕ ಸ್ವಾಮಿ ವಿವೇಕಾನಂದ ||ಪ||
ಸರ್ವರಲ್ಲೂ ದೇಶಾಭಿಮಾನದ ಪ್ರೀತಿ ಮೂಡಿಸಿ
ಯುವಶಕ್ತಿಗೆ ಗುರಿಸಾಧನೆಯ ಮಂತ್ರವ ತಿಳಿಸಿ
ಆತ್ಮಜಾಗೃತಿಯ ಕಹಳೆ ಮೊಳಗಿಸಿ
ವಿಶ್ವಕ್ಕೆ ಸಹೋದರತ್ವದ ಸಂದೇಶ ಸಾರಿದ
ವಿಶ್ವಮಾನವ ಸ್ವಾಮಿ ವಿವೇಕಾನಂದ ||ಪ||
–ಮಹಾನಂದ.ಆರ್.ತಳವಾರ.
ಬಾಪೂಗೌಡ ನಗರ .ಶಹಾಪೂರ
