ಭಾವ- ಜೀವ ಸಾಹಿತಿ ಅಕ್ಕಿ ರಚಿತ ಕಾವ್ಯ

ಭಾವ- ಜೀವ

ನಲ್ಲೆನೋಟ ಲಲ್ಲೆಮಾತು
ಬೆಲ್ಲದಚ್ಚು ಜೋಡಿಗೆ |
ಪಲ್ಲವಿಸಲು ಬಾಳಬಳ್ಳಿ
ಮಲ್ಲಿಗೆಯಿರಲಿ ಹೆರಳಿಗೆ || 1 ||

ಹೊಸಿಲು ತುಳಿದ ಹೊಸತರಲ್ಲಿ
ಆಸೆಕಂಪು ಉಸಿರಲಿ |
ಬೆಚ್ಚನೆಯ ನೆಚ್ಚಿಕೆಯೇ
ಮಧುರ ಜೇನು ಹುಟ್ಟಿಗೆ || 2||

ಮುಂಬಾಗಿಲ ತೋಳಿಗಾತು
ಕಾದುನಿಂತ ನೀರೆಗೆ |
ಅರಳು ಮೊಗದ ನಗೆಯೇ
ಪರಿಮಳ ದವನ ಕೇದಗೆ || 3||

ಸೆಳೆತ ಸೆಳೆವಿನಲಿ ತೇಲಿ
ಹೋಗದಿರಲಿ ಹೆತ್ತೊಡಲು
ಜೀವ ತೇಯ್ದ ಗಳಿತವು
ಬಳಲದಿರಲಿ ಎಂದಿಗೂ || 4 ||
———–
—ಡಿ.ಎನ್.ಅಕ್ಕಿ.
06-10-2022. 9448577898.
ವಿಳಾಸ: ಡಿ.ಎನ್.ಅಕ್ಕಿ.
ಶ್ರೀಧರ ಸದನ,ಶಂಕರ ಪಾರ್ವತಿ
ಪಂಕ್ಷನ್ ಹಾಲ್ ಹಿಂದೆ
ವಿಜಯಪುರ ರಸ್ತೆ,ಇಂಡಿ-586209. ಜಿಲ್ಲೆ: ವಿಜಯಪುರ.