ಶಹಾಪುರಃ ಗಾಂಜಾ ಬೆಳೆ ವಶ, ಆರೋಪಿ ಬಂಧನ

ಹೊಲದಲ್ಲಿ ಗಾಂಜಾ ಬೆಳೆದ ರೈತಃ ಪೊಲೀಸರ ದಾಳಿ ಓರ್ವನ ಬಂಧನ

Yadgiri, ಶಹಾಪುರಃ ಹತ್ತಿ ಬೆಳೆ ನಡುವೆ ಹೊಲದಲ್ಲಿ ಗಾಂಜಾ ಬೆಳೆದಿರುವ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ನಡೆಸಿ ಆರೋಪಿ ದೇವಿಂದ್ರಪ್ಪ ಎಂಬಾತನನ್ನು ಪೊಲೀಸರು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ ಘಟನೆ ತಾಲೂಕಿನ ಗೋಗಿ ಪೊಲೀಸ್ ಠಾಣೆ ವ್ಯಾಪ್ತಿ ಶುಕ್ರವಾರ ನಡೆದಿದೆ.

ತಾಲೂಕಿನ ಹೊಸಕೇರಾ ಗ್ರಾಮ ಸೀಮಾಂತರದಲ್ಲಿ ಬರುವ ಹೊಲವೊಂದರಲ್ಲಿ ಆರೋಪಿ ಹತ್ತಿ ಬೆಳೆ ಮಧ್ಯೆ 16 ಗಾಂಜಾ ಬೆಳೆ ಅಕ್ರಮವಾಗಿ ಬೆಳೆದಿರುವದನ್ನು ಪೊಲೀಸರು ಪತ್ತೆ ಮಾಡುವ ಮೂಲಕ ಗಾಂಜಾ ಬೆಳೆಗಳನ್ನು ಬುಡ ಸಮೇತ ಕಿತ್ತು ಠಾಣೆಗೆ ತಂದಿದ್ದಾರೆ. ಸುಮಾರು 3 ಕೆಜಿ 162 ಗ್ರಾಂನಷ್ಟು ಗಾಂಜಾ ಬೆಳೆ ಇದಾಗಿದ್ದು, ಅಂದಾಜು 10 ಸಾವಿರ ರೂ.ಬೆಲೆ ಯಷ್ಟಾಗಿದೆ ಎನ್ನಲಾಗಿದೆ.

ಈ ಕುರಿತು ಗೋಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆರೋಪಿ ದೇವಿಂದ್ರಪ್ಪನನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ ಎಂದು ಪೊಲೀಸ್ ಅಧೀಕ್ಷಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಗೋಗಿ ಪಿಎಸ್‍ಐ ನೇತೃತ್ವದಲ್ಲಿ ದಾಳಿ ನಡೆದಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.