ಶಹಾಪುರದಲ್ಲಿ ಮೋಹರಂ ಸಂಭ್ರಮ
ಶಹಾಪುರ: ನಗರದ ದಿಗ್ಗಿ ಬೇಸ್ ಮಾರ್ಗದಲ್ಲಿ ಶಕ್ತಿ ಪೀರ ಇಮಾಮ್ ಖಾಸಿಂ ದೇವರನ್ನು ರವಿವಾರ ರಾತ್ರಿ 2 ಗಂಟೆಗೆ ಪ್ರತಿಷ್ಠಾಪನೆ ಮಾಡಲಾಯಿತು.
ಇಮಾಮ್ ಖಾಸಿಂ ದೇವರು ಜಾಲಗಾರ ಓಣಿಯ ಹಿಂದೂ ಕುಟುಂಬದ ಮನೆಯೊಂದರಲ್ಲಿ ಸಿದ್ಧಗೊಂಡು ಮುಸ್ಲಿಂ ಸಮುದಾಯದವರೇ ದೇವರನ್ನು ಸಿಂಗರಿಸಿ ದಿಗ್ಗಿ ಬೇಸ್ ಮಾರ್ಗದಲ್ಲಿರುವ ಮಸೀದಿಗೆ ಹಿಂದೂ- ಮುಸ್ಲಿಂ ಭಕ್ತಾಧಿಗಳು ಮೆರವಣಿಗೆಯೊಂದಿಗೆ ಆಗಮಿಸಿ ಮಸೀದಿಯಲ್ಲಿ ಪ್ರತಿಷ್ಠಾಪಿಸಲಾಯಿತು.
ಹಿಂದೂ ಮುಸ್ಲಿಂ ಭಾವೈಕ್ಯೆದೊಂದಿಗೆ ಮೋಹರಂ ಅನಾದಿಕಾಲದಿಂದಲೂ ನಡೆದುಕೊಂಡು ಬಂದಿದೆ. ಇದೊಂದು ಅದ್ಭುತ ಸಾಂಸ್ಕೃತಿಕ ಹಬ್ಬವಾಗಿದ್ದು, ವಾರಗಟ್ಟಲೇ ಸರ್ವ ಧರ್ಮದವರು ಸೇರಿಕೊಂಡು ಮೋಹರಂ ಆಚರಣೆ ಮಾಡುತ್ತಾರೆ. ಮೋಹರಂ ಮೊದಲ ದಿನದ ಇಮಾಮ್ ಖಾಸಿಂ ದೇವರ ಅದ್ಭುತ ಮೆರವಣಿಗೆ ವಿಡಿಯೋ ತುಣುಕು ವಿವಿ ಯಲ್ಲಿ ಪ್ರಕಟಿಸಲಾಗಿದೆ.
ಶಹಾಪುರ:ಮೋಹರಂ ಸಂಭ್ರಮದ ಕ್ಷಣ. ಇಮಾಮ್ ಖಾಸಿಂ ದೇವರು ಪ್ರತಿಷ್ಠಾಪನಾ ಅಂಗವಾಗಿ ಮಸೀದಿಗೆ ಮೆರವಣಿಗೆ ಯೊಂದಿಗೆ ಆಗಮಿಸಿದ ದೃಶ್ಯ.
