ಮುನಿಸಿಗೂ ಮುನ್ನೂರು ಭಾವಗಳು….

ಮುನಿಸು-ಮನಸ್ಸು-ಭಾವನೆ

ಮುನಿಸು ಬೇಕು ಮನಸಿಗೆ
ಪ್ರೀತಿಯಿರುವ ಕನಸುಗಳಿಗೆ
ಭಾವನೆಗಳ ನೆನಸುವಿಕೆಗೆ
ಮೌನವಾಗಿದ್ದು ನೋಡು ಓಡುವದಿದು

ಕೋಪ ಮಾಡದಿರೆ ಹೇಗೆ ಅವ್ವ
ಮಕ್ಕಳ ತುಂಟಾಟ ಸಹಿಸಲುಂಟೆ
ಹಠದ ಮುಂದೆ ಬಿಗುವಾಗಬೇಕು
ಆಗಾಗ ರಮಿಸುತ ಗೆಲುವಾಗಿಸಬೇಕು

ಅಪ್ಪ ಬಂದನೆಂದು ಪುಸ್ತಕ ಹಿಡಿಯುವರು
ಟಿವಿ ಯಿಂದ ಹಿಂದೆ ಸರಿಯುವರು
ಶಿಸ್ತಿನ ಸಿಪಾಯಿಗಳಾಗುವರು ಮಕ್ಕಳು
ಸಿಡುಕುತ ಜೀವನ ಪಾಠ ಕಲಿಸುವನು ತಂದೆ

ಮೇಷ್ಟ್ರು ಹಿಡಿಯದಿರೆ ಕೈನಲಿ ಬೆತ್ತ
ಎಲ್ಲೆಲ್ಲಿಯೊ ಅಲಿಯುವದು ಹುಡುಗರ ಚಿತ್ತ
ಜ್ಞಾನ ತುಂಬುವರು ನೆತ್ತಿಯ ಭಿತ್ತಿಯಲಿ
ಸುಜ್ಞಾನಿಗಳಾಗುವರು ಮಕ್ಕಳು ಈ ಜಗದಲಿ

ಸಂತರಿಗೂ ಸಾಧುಗಳಿಗೂ ಬರುವದು ಕೋಪ
ಹಾಲಮೇಲಿನ ಉಕ್ಕಿನಂತೆ ತಾಪ
ಹನಿನೀರು ಸಿಂಪಡಿಸಿದರೆ ಜರಗುವದು ಜರ್ರನೆ
ಇಂತಿಪ್ಪ ಮುನಿಗಳ ಮುನಿಸು ಸೊಗಸು

ಹಿರಿಯರ ತುಸುಕೋಪ ತ್ರಾಸಲ್ಲ
ಮನೆ ಬೆಳಗಲು ಅವರ ನುಡಿ ಬೇಕಲ್ಲ
ಸಿಟ್ಟು ಸೆಡವು ಮರೆತರ ಜೀವನ ನಂದನ
ಕೂಡಿ ಬಾಳಿದರೆ ಬದುಕು ಚಂದನ.

ಹಗೆಬೇಡ ಈ ಧರೆಯಲಿ ಎಂದಿಗೂ
ಸಗೆಸಂಭಂಧಿಗಳಾಗಿರಬೇಕು ಎಂದೆಂದಿಗೂ
ಹಠ ಕೋಪ ತಾಪ ಬಿಗುಮಾನ ಏನೇ ಇರಲಿ
ಒಂದಾಗಿ ಬಂಧುರವಾಗಿ ಬದುಕೋಣ ಧರೆಯಲಿ

-ಜಯಶ್ರೀ ಭ.ಭಂಡಾರಿ.
 ಬಾದಾಮಿ.
 9986837446.