SIR ಪ್ರಕ್ರಿಯೆ ಪೂರ್ಣಗೊಳಿಸಿ, ಮತದಾನದ ಹಕ್ಕು ಕಳೆದುಕೊಳ್ಳಬೇಡಿ – ಅಡಿವಪ್ಪ ಜಾಕಾ

ಮತದಾನದ ಹಕ್ಕು ಕಳೆದುಕೊಳ್ಳಬೇಡಿ – ಅಡಿವಪ್ಪ ಜಾಕಾ

SIR ನಮೂನೆ ವಾಪಸ ಕೊಡದಿದ್ದರೆ ಮತಪಟ್ಟಿಯಿಂದಲೇ ಹೆಸರು ಡಿಲೇಟ್

ಶಹಾಪುರ: ಕೇಂದ್ರ ಚುನಾವಣಾ ಆಯೋಗದ ನಿರ್ದೇಶನದ ಮೇರೆಗೆ ರಾಜ್ಯದಲ್ಲಿ SIR ಪ್ರಕ್ರಿಯೆ ನಡೆಯುತ್ತಿದೆ. ರಾಜ್ಯದಲ್ಲಿ 5.54 ಕೋಟಿ ಮತದಾರರು ಈ SIR ಪ್ರಕ್ರಿಯೆ ವ್ಯಾಪ್ತಿಗೆ ಒಳಪಡುತ್ತಿದ್ದಾರೆ. ಮನೆ-ಮನೆಗೆ ತೆರಳಿ ಪ್ರತಿ ಮತದಾರರಿಗೆ ಗಣತಿ ನಮೂನೆ ತಲುಪಿಸುವ ಪ್ರಕ್ರಿಯೆ ಜೂನ್ 30 ರಿಂದ ಆರಂಭಗೊಂಡಿದೆ. ಯಾದಗಿರಿ ಜಿಲ್ಲೆಯ ಮಹಾಜನತೆ ಈ ಒಂದು ಮಹತ್ವದ ಪ್ರಕ್ರಿಯೆಯಲ್ಲಿ ಭಾಗವಹಿಸಿಬೇಕು. ನಮ್ಮ ಶಹಾಪುರ
ತಾಲೂಕ ಆಡಳಿತದಿಂದ
BLO ಗಳಿಗೆ ಶಹಾಪುರ ಮತಕ್ಷೇತ್ರದ 2.53,215 ಗಣತಿ ನಮೂನೆ ವಿತರಿಸಿದ್ದಾರೆ.

*ಪಕ್ಷದ ಬೂತ ಏಜೆಂಟಗಳು ಅರ್ಜಿ ಸ್ವೀಕರಿಸಬಹುದು*…
BLO ಗಳು ಮನೆ ಮನೆಗೆ ತೆರಳಿ ಗಣತಿ ನಮೂನೆ ವಿತರಿಸಿದ ಬಳಿಕ ಭರ್ತಿ ಮಾಡಿ ವಾಪಸ ನೀಡಲು ಮತದಾರರಿಗೆ ಸಾಧ್ಯವಾಗದಿದ್ದಲ್ಲಿ ಬೂತ್ ಮಟ್ಟದ ಏಜೆಂಟಗಳು ಆರ್ಥರ್ತ ಪಕ್ಷದ ಕಾರ್ಯಕರ್ತರು ತಲಾ 50 ಮತದಾರರ ಗಣತಿ ನಮೂನೆ ಸಂಗ್ರಹಿಸಿ ಸಂಬಂಧಿತ BLO ಗಳಿಗೆ ತಲುಪಿಸಲು ಕಾನೂನಿನಲ್ಲಿ ಅವಕಾಶವಿದೆ.

*2002ರ ಪಟ್ಟಿಯಲ್ಲಿ ಹೆಸರಿಲ್ವಾ…? ಚಿಂತಿಸಬೇಡಿ ನಮೂನೆ ತುಂಬಿ*:-
2002 ರ ಮತದಾರರ ಪಟ್ಟಿ ಮಾಹಿತಿ ಪಡೆಯಲು ಸಾಧ್ಯವಾಗದಿದ್ದಲ್ಲಿ ಆತಂಕ ಪಡುವ ಅಗತ್ಯವಿಲ್ಲ, ಗಣತಿ ನಮೂನೆಯಲ್ಲಿ ಇರುವ ಮಾಹಿತಿ ಭರ್ತಿ ಮಾಡಿ ಸಹಿ ಹಾಕಿ ವಾಪಸ BLO ಗಳಿಗೆ ಕೊಟ್ಟರೆ ಸಾಕು. ಆ ಮತದಾರರ ಹೆಸರು ಕಡ್ಡಾಯವಾಗಿ ಕರಡು ಮತದಾರರ ಪಟ್ಟಿಯಲ್ಲಿ ಪ್ರಕಟವಾಗಲಿದೆ.
ಪರಿಶೀಲನೆ ವೇಳೆ ಮಾಹಿತಿ ಹೊಂದಾಣಿಕೆ ಆಗದಿದ್ದಲ್ಲಿ ಅಧಿಕಾರಿಗಳು ನೋಟಿಸ್ ಕೊಡುತ್ತಾರೆ, ಈ ವೇಳೆಯಲ್ಲಿ ನಿಗದಿ ಮಾಡಿರುವ 11 ದಾಖಲೆಗಳ ಪೈಕಿ ಒಂದು ದಾಖಲೆ ಸಲ್ಲಿಸಬೇಕು.

*BLO ಗೆ ಅರ್ಜಿ ಮರುಳಿಸಿದ ಬಳಿಕವೂ ತಿದ್ದುಪಡಿಗೆ ಆವಕಾಶ*:-
ಗಣತಿ ನಮೂನೆ ಭರ್ತಿ ಮಾಡಿ
BLOಗೆ ವಾಪಸ್ ಕೊಟ್ಟ ಬಳಿಕ ಏನಾದರು ಬದಲಾವಣೆ ಮಾಡುವುದಿದ್ದಲ್ಲಿ ಜುಲೈ 29 ರೊಳಗಾಗಿ ಮಾಡಿಕೊಳ್ಳಬೇಕು. ತಿದ್ದುಪಡಿಗೆ BLOಗಳಿಗೆ ಅಧಿಕಾರವಿದೆ. ಮತದಾರರ ಅನುಮತಿ ಇಲ್ಲದೆ BLO ಗಳು ಬದಲಾವಣೆ ಮಾಡಲು ಅವಕಾಶವಿಲ್ಲ.
ಅಂತಿಮ ಮತದಾರರ ಪಟ್ಟಿ ಪ್ರಕಟವಾದ ಬಳಿಕವೂ ತಿದ್ದುಪಡಿಗಳಿಗೆ ಅವಕಾಶವಿದೆ, ಮತದಾರರು ಫಾರ್ಮ್ ನಂಬರ್ 8ರ ಮೂಲಕ ಬದಲಾವಣೆ ಮಾಡಿಕೊಳ್ಳಬಹುದು.

– ಅಡಿವೆಪ್ಪ ಜಾಕಾ

ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷರು ಯಾದಗಿರಿ. ಶಹಾಪುರ.