ಟೀಕೆಗಳು ಸಾಯುತ್ತವೆ ಕೆಲಸಗಳು ಉಳಿಯುತ್ತವೆ – ಡಿಸಿಎಂ ಡಿಕೆ

ಟೀಕೆಗಳು ಸಾಯುತ್ತವೆ ಕೆಲಸಗಳು ಉಳಿಯುತ್ತವೆ – ಡಿಸಿಎಂ ಡಿಕೆ

ರಾಜಸ್ತಾನಿ ಪೇಠ ತೊಟ್ಟು ಶಕ್ತಿ ಯೋಜನೆ ಚಾಲನೆಗೆ ಆಗಮಿಸಿದ ಡಿಕೆ

ಬೆಂಗಳೂರಃ ಚುನಾವಣೆ ಸಂದರ್ಭದಲ್ಲಿ ಭರವಸೆ ನೀಡಿದ ಮೊದಲ ಗ್ಯಾರಂಟಿ ಯಂತೆ ಮಹಿಳೆಯರಿಗೆ ಬಸ್ ಗಳಲ್ಲಿ ಉಚಿತ ಪ್ರಯಾಣದ ಶಕ್ತಿ ಯೋಜನೆಗೆ ಚಾಲನಾ ಸಮಾರಂಭಕ್ಕೆ ಆಗಮಿಸಿದ ಡಿಸಿಎಂ ಡಿ.ಕೆ.ಶಿವಕುಮಾರ ಅವರನ್ನು ನೆರೆದಿದ್ದ ಕಾರ್ಯಕರ್ತರು, ಅಭಿಮಾನಿಗಳು ಮಹಿಳೆಯರು ಅದ್ದೂರಿಯಾಗಿ ಸ್ವಾಗತಿಸಿಕೊಂಡರು.

ಇದೇ ವೇಳೆ ಮಾಧ್ಯಮಕ್ಕೆ ಹೇಳಿಕೆ ನೀಡಿದ ಡಿಕೆ, ಕಾಂಗ್ರೆಸ್‌ ಶಕ್ತಿಯೇ ನುಡಿದಂತೆ ನಡೆಯುವದು. ಇದೀಗ ಶಿವನ‌ ಪೂಜೆ ನೆರವೇರಿಸಿಕೊಂಡು ಬರ್ತಿದ್ದೇನೆ. ಜನರಲ್ಲಿ ಖುಷಿ ತರುವ ಕೆಲಸ ಮಾಡುವ ಮೂಲಕ ಸಾರ್ವಜನಿಕರಲ್ಲಿ ಶಿವನನ್ನು ಕಾಣುವದೇ ಪೂಜೆ ಎಂದರು.

ಗ್ಯಾರಂಟಿಗಳ ಬಗ್ಗೆ ಬಿಜೆಪಿ,‌ ಜೆಡಿಎಸ್ ಹಲವಾರು ಟೀಕೆಗಳನ್ನು ಮಾಡುತ್ತಿದ್ದಾರೆ ಆದರೆ ಟೀಕೆಗಳು ಸಾಯುತ್ತವೆ. ಮಾಡಿದ ಕೆಲಸಗಳು ಉಳಿಯುತ್ತವೆ ಎಂದರು.