ಗಾಂಧಿ ಸಪ್ತಾಹ ಅಂಗವಾಗಿ ಶಾಲೆಗೆ ಭೇಟಿ
ಯಾದಗಿರಿ,ಶಹಾಪುರಃ ಗಾಂಧಿ ಸಪ್ತಾಹ ಅಂಗವಾಗಿ ನಗರದ ಹಳಿಪೇಟೆಯ ಜ್ಞಾನ ಗಂಗೋತ್ರಿ ಶಾಲೆಗೇ ಭೇಟಿ ನೀಡಿದ ಮಾಜಿ ಶಾಸಕ ಗುರು ಪಾಟೀಲ್ ಶಿರವಾಳ, ಶಾಲಾ ಮಕ್ಕಳೊಂದಿಗೆ ಗಾಂಧೀಜಿಯವರ ಭಾವಚಿತ್ರಕ್ಕೆ ಗೌರವ ನಮನ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಗುರು ಪಾಟೀಲ್, ಬಾಲ್ಯದಿಂದಲೇ ಸ್ವಚ್ಛತೆ ಬಗ್ಗೆ ಗಮನ ಹರಿಸಬೇಕು. ಪ್ಲಾಸ್ಟಿಕ್ ಬಳಕೆ ನಿಲ್ಲಿಸಬೇಕು. ಹಂತ ಹಂತವಾಗಿ ಪ್ಲಾಸ್ಟಿಕ್ ಬಳಕೆ ಸಂಪೂರ್ಣ ನಿಷೇಧವಾಗಲಿದೆ. ಅದಕ್ಕೆ ಪೂರಕ ಸಹಕಾರ ನಾವೆಲ್ಲ ನೀಡಬೇಕಿದೆ. ಪ್ಲಾಸ್ಟಿಕ್ ಬಳಕೆಯಿಂದÀ ಮಾರಕ ರೋಗಗಳು ಹರಡುವದಲ್ಲದೆ ಪ್ರಕೃತಿ ಹಾಳಾಗುತ್ತಿದೆ.
ಈ ಕುರಿತು ಮಕ್ಕಳಲ್ಲಿ ಅರಿವು ಮೂಡಿಸಬೇಕಿದೆ. ಅಲ್ಲದೆ ಮಕ್ಕಳು ಅನುಸರಿಸುವದಲ್ಲದೆ ಮನೆಯಲ್ಲಿ ಪಾಲಕರಿಗೂ ತಿಳಿಸುವಂತ ಕೆಲಸವಾಗಬೇಕು. ಶಾಲಾ ಶಿಕ್ಷಕರು ಈ ಕುರಿತು ನಿತ್ಯ ಮಕ್ಕಳಿಗೆ ಬೋಧನೆ ಮಾಡಬೇಕು. ಆಗ ಗಾಂಧಿ ಸಪ್ತಾಹ ಅವರು ಕಂಡ ಕನಸು ಮತ್ತು ಪ್ರಧಾನಿ ಮೋದಿಯವರ ಕನಸಿನ ಸ್ವಚ್ಛ ಭಾರತ ನಿರ್ಮಾಣ ಯಶಸ್ಸು ಕಾಣಲು ಸಾಧ್ಯವಿದೆ ಎಂದರು.
ಈ ಸಂದರ್ಭದಲ್ಲಿ ಮಾಜಿ ಎಂಎಲ್ಸಿ ಅಮಾತೆಪ್ಪ ಕಂದಕೂರ, ನಗರಸಭೆ ಸದಸ್ಯ ಲಾಲಹ್ಮದ ಖುರೇಶಿ, ಮುಖಂಡರಾದ ಮರೆಪ್ಪ ಹಯ್ಯಾಳಕರ್, ಗುರುಕಾಮಾ, ಅನಂತರಾವ ದೇಶಪಾಂಡೆ, ಶ್ರೀಕಾಂತ ಸುಬೇದಾರ ಇತರರಿದ್ದರು.
